ګلګت۔29اګست(اے پی پی)د ديامر ضلعې په چلاس بډر كښې په ګلګت بلتستان سكاوټس د ترهګرو بزدلانه بريد څخه وروستو امنيتي ځواكونو ټوله سيمه محاصره كولو سره د لټون عمليات پېل كړې دي۔ په بريد كښې يو صوبېدار شهيد او دوه اهلكار ژوبل شوي دي۔ د كورنيو چارو صوبائي وزير شمس لون د دې پېښې سخته غندنه كولو سره وئيلي چې بزدلانه بريد كوؤنكي ترهګر د كوم هم رعايت مستحق نه دي او دوئي به د عبرت نخښه جوړولې شي۔ ده زياته كړه چې ځواكونه د ترهګرو تعاقب كوي او ډېر زر به هغوي خپل انجام ته ورسولې شي۔ بريد څخه وروستو د امنيتي ځواكونو زياته نفري موقعې ته رسېدلې ده او سيمه سيل كولو سره د لټون عمليات پېل كړې شوي دي۔ په پېښه كښې ژوبل شوي اهكار طبي مرستې له روغتون ته منتقل كړې شوي دي او د هغوي حالت خطر څخه بهر ښودلے شي۔ دا بريد د ترهګرۍ په ضد روان جنګ كښې يوه بله د افسوس وړ پېښه ده
