ګلګت۔ 29 اګست (اے پي پي) د ديامر په سيمه هډر سره نزدې د جعې په ورځ د نامعلومه كسانو په ډزو كولو كښې په پوسته ولاړ نائب صوبېدار بشمول 2 اهلكار شهيدان او 1 ژوبل شو۔ د ډپټي كمشنر ديا مر عطا الرحمان كاكړ تر مخه 3 كسان په ډېر ژوبل حالت كښې آر ايچ كيو روغتون چلاس ته منتقل كړے شول چرته 2 اهلكار د زخمونو په تاب نه لرلو شهيدان شول۔ ژوبل شوي اهلكار له طبې مرسته وركولې شي ۔ پوليس تر مخه د شهيد نائب صوبېدار تعلق د ګلګت بلتستان نګر ضلع سره دے۔ د پیښې نه پس امنيتي ځواكونو سيمه ولقه كښې اغستې ده او د لټون عمليات يې پېل كړې دي۔ ډپټي كمشنر ووئېل په آر كيو هسپتال كښې بېړنې حالت نافذ كړے شوے او ټول ډاكټران او پېرا مېډيكل اسټاف سمدستي راغوښتلے شوے ۔ د ډائرېكټر هيلته سروسز عبدالمتين تر مخه په هسپتال كښې ټول انتظامات بشپړ كړے شوي دي۔
