اسلام آباد 28 اګست (اے پی پی)د قامي صحت وفاقي وزير سيد مصطفٰی كمال وئېلي دي سېلاب ځپلو ته طبي آسانيو وركولو لپاره ټول وسائل كاروو٬د روغتيا قامي اداره د وبائي رنځونو څارنه او شمېره هم رايوځاے كوي۔د دې خيالاتو څرګندونه ده د زيارت په ورځ د قامي روغتيا فلډ ايمرجنسي آپرېشن سيل اداره كښې راجوړې شوې غونډھ كښې كړې۔ده په ټول هېواد كښې سېلاب ځپلو ته طبي آسانيو په اړه د اقدامات جاج اخستلے شوے ۔ده ووئيل د روغتيا وزارت او ماتحت ادارې د كوم هم صورتحال مخ نيوي لپاره چمتو دي۔ده ووئيل چد روغتيا وزارت د صورتحال څارنه باوري كوي ٬د ټولو صوبو ډي جيز هېلتھ آفس كښې 24/7 كنټرول روم جوړ كړے شوي ۔ده ووئيل د صوبائي حكومت لخوا د سېلاب كوآرډينېشن په اړه فوكل پرسن نامزد شوي دې٬د روغتيا وزارت او اړوندې ادارې اين ډي ايم اے صوبائي حكومت سره په رابطه كښې دي ۔ده ووئيل د روغتيا وزارت د صوبو ډيمانډ له مخې ضروري داروګان او ويكسين خېبرپښتونخوا او ګلګت بلتستان ته لېږلې دي او د روغتيا وزارت ضروري داروګانو سټاك په زيات مقدار ساتلے٬سېلاب ځپلو ته طبي آسانيو وركولو لپاره د روغتيا وزارت صوبو سره اوږه په اوږه ولاړ دے۔په غونډه كښې د روغتيا وفاقي سيكرټري حامد يعقوب٬د قامي ادارې چيف ايګزيكټو افسر٬د روغتيا نړيوالې ادارې مشر پشمول ډي جي هېلت اسلام آباد او صوبو صحت چارواكو او استازو ګډون وكړو۔
