پېښور 24 اګست (اے پي پي) پروونشل ډیزاسټر مینجمنټ اتھارټی (پی ډی اېم اے ) رپورټ له مخې 15 اګست نه تر اوسه خېبر پښتونخوا كښې د بارانونو او فلیش فلډ له امله بېلو پېښو كښې تر اوسه 406 كسان په حق رسيدلي او 247 كسان ژوبل شوې۔د اتوار په ويځ پی ډی اېم اے خېبر پښتونخوا د اړخه 15 اګست نه تر اوسه بارانونو او فلیش فلډ له امله د صوبې په بېلو ضلعو كښې د ځاني او مالي زيان رپورټ جاری کړې دے۔ رپورټ له مخې صوبه كښې د بارانونو او فلیش فلډ له امله بېلو پېښو كښې تر اوسه 406 كسان په حق رسيدلي او 247 كسان ژوبل شوي۔ په حق رسيدليو كسانو كښې 305 سړي ، 55 ميرمني او 46 ماشومان دغسې 179 سړي ، 38 ميرمني او 30 ماشومان شامل دي۔ ډی آئی خان ضلع كښې د شپې په وخت شوې باران له امله د كورونو چھتونو راپريوتو له امله تر اوسه رپورټ له مخې 8 كسان مړه او 48 ژوبل شوي۔ رپورټ له مخې بارانونو او فلیش فلډ له امله تر اوسه په مجموعی توګه 3526 كورونو ته زيان رسيدلې چې پكښې 2945 كورونو ته جزوی زيان رسيدلې دغسې 577 كورونه په بشپړه توګه ويجاړ شوې، سېلاب له امله ځپلې شوي ضلع بونیر كښې تر اوسه په مجموعی توګه په حق رسيدليو كسانو شميره 337 او صوابۍ كښې 46 ته رسيدلې۔ پېښې د صوبې په بېلو ضلعو سوات، بونیر ، باجوړ، مانسهره، شانګله ، كوز دیر ، بټګرام، ډی آئی خان او صوابۍ كښې رامخې ته شوي۔ پی ډی اېم اے له مخې ځپليو اضلعو انتظامیې ته د مرستي هلي ځلي تندولو او د ځپليو سمدستي معاونت كولو سپارښتنه شوي۔ د پی ډی اېم اے وياند له مخې د پی ډی اېم اے ایمرجنسی آپریشن سنټر په بشپړه ډول فعاله دے،اولس د كوم هم ناوړه پېښو اطلاع ، موسمی صورتحال څخه خبريدلو او معلوماتو لپاره په فری هیلپ لائن 1700 رابطه کولې شي۔
