اسلام آباد۔22 اګست(اے پی پی) د اطلاعات او خپرونو وفاقي وزير عطاﺀ تارړ وئيلي دي قام د هند په ضد جنګ كښې د فولادي ديوال په څير ولاړ پاتي شو٬ په معركه حق كښې بريا سره پاكستان د نړۍ په نقشه د يو نوي پاكستان په توګه وځلېد٬ وزيراعظم په كاكول كښې د خطاب په مهال چې د پهلګام پېښی د پلټنو خبره وكړه نو ګرده نړۍ مونږ سره اودرېده٬ وزيراعظم د نېشنل سکیورټی کونسل غونډه راوبلله په كومه كښې چې مهمې پرېكړې وكړې وشوې٬ د اوبو په مسئله سټېڼد واخستلے شو٬ فیلډ مارشل سید عاصم منیر كاميابه تګلاره وضعه كړه او په هغې عملدرآمد وكړے شو٬ ایئر چیف مارشل ظهیر احمد بابر سدھو او د هغه شاهينانو په دې جنګ كښې تاريخي كردار ترسره كړو او اېډمرل نوید اشرف او د پاك سمندري ځواك ځوانان د هېواد دفاع لپاره چمتؤ وو۔ د جنګ په مهال پاكستانۍ ميډيا د رياست بيانيه په نړيواله كچه په ډاګه كړه او د اطلاعات وزارت كښې د جوړ كړي عصري ډیجیټل وار روم بيانيه په جنګ كښې پرېكنده ثابته شوه۔ ده د جمعې په ورځ د کونسل آف پاکستان نیوز پیپر ایډیټرز (سی پی این ای) تر سېوري لاندې يوې دستورې ته خطاب كولو۔ ده ووئيل د پاك پروردګار په فضل مونږ په خپل ژوند كښې پاكستان برے ترلاسه كونكے وليدلو٬ پاك پروردګار په دې بريا كښې د خپلې برخې كردار ترسره كولو توفيق مونږ ته راكړو۔ په دې معركه كښی تر ټولو وړاندې د بيانيې جنګ پېل شو۔ ده ووئيل كله چې وزيراعظم په كاكول كښې د پهلګام پېښې د پلټنيو خبره وكړه نو ټوله نړۍ مونږ سره اودرېده او د هند دروغ په ډاګه شول ۔ وفاقی وزیر ووئيل ميډيا حكومت سره اوږه په اوږه دا جنګ وكړو۔ ده ووئيل د اطلاعات وزارت دا جنګ په ځانله كولے نه شو۔ ده د ډي جي آئي اېس پي آر مننه كولو سره ووئيل چې بشپړه همغږي وليدلې شوه٬ پرله پسې رابطه وساتلې شوه٬ په نړيواله ميډيا يو ډول دريځ وړاندې كړے شو۔ ده ووئيل ټولو په خپل خپل محاذ كاميابۍ سره دا جنګ وكړو۔ د اطلاعات وزير ووئيل په نړۍ كښې د پاكستان وقار زيات شو۔ د نړۍ خلق اوس وائي چې دا هغه قام دے چې هند ته يۍ ماتې وركړې ده۔ ده ووئيل وزيراعظم د نېشنل سکیورټی کونسل غونډه راوبلله په كومه كښې چې مهم پرېكړې وكړې شوې٬ د اوبو په مسئله سټېڼد واخستلے شو٬ فیلډ مارشل سید عاصم منیر كاميابه تګلاره وضعه كړه او په هغې عملدرآمد وكړے شو٬ ایئر چیف مارشل ظهیر احمد بابر سدھو او د هغه شاهينانو په دې جنګ كښې تاريخي كردار ترسره كړو او اېډمرل نوید اشرف او د پاك سمندري پوځ ځوانان د هېواد دفاع لپاره چمتؤ وو۔ ده ووئېل د جنګ په مهال پاكستانۍ ميډيا د رياست بيانيه په نړيواله كچه په ډاګه كړه او د اطلاعات وزارت كښې جوړ كړي عصري ډیجیټل وار روم بيانيه په جنګ كښې پرېكنده ثابته شوه۔ ده ووئيل كله چې دښمن د كراچۍ هوائي مېدان ترنګ نه كړے شو نو ميډيا يۍ د لاهور يا ملتان د هوائي مېدانونو په نخښه كولو بې بنسټه ډنډوره وكړه۔ وفاقی وزیر ووئيل پاكستانۍ ميډيا د خارجه پالېسۍ ترجمان او د سفارتي هڅو برخې په توګه د هېواد دفاع لپاره فعاله كردار ترسره كړو۔ ده ووئيل د جنګ په مهال په هر ډګر د بريا ترلاسه كولو اجتماعي هڅې وكړې شوه۔ ایوارډز په حقيقت كښې د ټول قام اعزاز دے۔ د اطلاعات وزارت ٬ د ميډيا ادارې او رياستي ادارې ټولې د دې حقدارې دي۔ وفاقي وزير د وزيراعظم میډیا کوآرډینېټر بدر شهباز وړائچ، د اطلاعات وزارت افسرانو عنبرین جان، مبشر حسن، تصور عرفات چوهدري ته هم د عقيدت پېرزوئنې وړاندې كړی۔ ده ووئيل د عنبرین جان پلار مېجر عارف جان د كال 1965ء جنګ اتل دے۔
