اسلام آباد 01 اګست (اےپي پي) وزيراعظم محمد شهباز شريف وئېلي دي وفاقي حكومت اوسنو بارانونو او سېلاب څخه ځپلو د آزاد كشمير او د ګلګت بلتستان حكومت٬انتظاميې او اولس سره اوږه په اوږه ولاړ دے٬ځپلو سيمو او اولس سره يووالي څرګندونې لپاره به ډېر زر د ګلګت بلتستان دوره كوم او د زيان هر ممكنه ازالې لپاره به وفاقي حكومت د مرستې پیكج وركوي٬ د ټولو اړوندو وفاقي ادارو او د آزاد كشمير او ګلګت بلتستان انتظاميې سره په ګډه د زيان تخمينه لګولې شي۔د جمعې په ورځ د وزيراعظم آفس ميډيا ونګ لخوا جاري شوي پرېس رېليز له مخې د وزيراعظم محمد شهباز شريف په مشرۍ كښې ګلګت بلتستان او آزاد كشمير كښې د پشكال بارانونو په نتيجه كښې د ځاني او مالي زيان د جاج اغستو غونډه وشوه ۔په دې موقع وزيراعظم ووئېل د پشكال سخت سيزن كښې ټول هېواد په خاص توګه آزاد كشمير او ګلګت بلتستان كښې د ځاني او مالي زيان افسوس ناكې پیښې رامخې ته شوي دي ۔وزيراعظم ووئيل وفاقي حكومت د غم په دې وخت كښې د آزاد كشمير او ګلګت بلتستان حكومت٬انتظاميه او اولس سره اوږه په اوږه ولاړ دے ٬ځپليو سيمو او اولس سره د يووالي لپاره به ډېر زر د ګلګت بلتستان دوره كوم او د زيان هر ممكنه ازالې لپاره به د وفاقي حكومت د مرستې پېكج وركولې شي۔وزيراعظم خاص هدايت وكړو چې ټولې اړوندې وفاقي ادارې به د آزاد كشمير او ګلګت بلتستان انتظاميې سره په ګډه د زيان تخمينه لګوي٬ د سخت موسمي صورتحال زيان څخه بچ كېدو لپاره دې د موسميات محكمې د پيشګۍ اطلاع نظام په هنګامي بنيادونو موثر او فعاله كړې شي۔ ده ووئېل ځپليو سيمو كښې د مرستې كاروائيو كښې دې د ځاني او مالي زيان څخه بچ كېدو ته وړومبې پام لرنه وكړی شي٬۔د اين ډي ايم اے چيئرمېن لېفټيننټ جنرل انعام حېدر ملك په ټول هېواد كښې د پشكال بارانونو څخه تر اوسه د شوي زيان٬آزاد كشمير او ګلګت بلتستان كښې ممكنه موسمي صورتحال او تر دې وخته د كړو اقداماتو نه غونډه خبر كړه چې پكښې ووئېل شول اوسني پشكال سيزن كښې تراوسه په ټول هېواد كښې په مجموعي توګه 295 مرګونه شوي او 700 څخه زيات كسان ژوبل شوي دي ٬ 1600 څخه زيات كورونه په بشپره توګه تباه شوي او 376 څاروي هم مړه شوي دي ۔بريفنګ كښې ووئېل شول اوسني پشكال سيزن كښې خوړونو كښې سخت سېلابونه راغلي۔تربيلا چشمه٬تونسه٬كالاباغ كښې د لاندې درجې او چناب درياب كښې په هيډ مراله او ګدو د مينځنۍ درجې سېلاب امكانات دي٬ د اوسني پشكال سيزن د اګست په آخر كښې د ختمېدو امكان دے٬اين ډي ايم اے په ذاتي توګه ټول انتظامات كوي۔په غونډه كښې د آزاد كشمير وزيراعظم چوهدري انوار الحق٬د ګلګت بلتستان وزيراعلٰی حاجي ګلبر خان٬نائب وزيراعظم او خارجه وزير محمد اسحاق ډار٬د موسمياتي بدلون وفاقي وزير ډاكټر مصدق ملك٬د اطلاعات او خپرونو وفاقي وزير عطاﺀ الله تارړ٬د اين ډي ايم اے چيئرمېن انعام حېدر ملك او نور اعلٰی چارواكي او سركاري عهديداران ګډون وكړو۔
