اسلام آباد 10 جولائي (اے پي پي)د مذهبي چارو وفاقي وزير سردار محمد يوسف وئېلي دي د غزه په صورتحال د نړيوالې ورورولۍ ضمير راويښولو لپاره به غږ پورته كوو او پاكستان اسرائيل نه تسليموي۔د زيارت په ورځ د فلسطين سفير ډاكټر زهير محمد حمد الله يد سره مذهبي چارو وزارت كښې د ملاقات په مهال د مذهبي چارو وزير ووئيل په غزه كښې د بې ګناه وګړو په خاص توګه په ماشومانو او ميرمنو ظلم سره زمونږ زړونه ژوبل دي۔د غزه په صورتحال به د نړيوالې ورورولۍ ضمير راويښولو لپاره غږ پورته كوو۔ ده ووئېل د او آئي سي په پليټ فارم فلسطين وړومبې ايجنډا پكار ده۔ده ووئيل زمونږ خواهش دے چې د مكه او مدينه منوره پشان د وړومبۍ قبلې بيت المقدس په آزادۍ سره سفر وكړي۔د فلسطين سفير ووئيل د پاكستان پرله پسې او بې لوثه ملاتړ ته فلسطين قدر په سترګه ګوري۔پاكستان څخه فارغ التحصيل زده كوونكي په فلسطين كښې په مركزي چوكو فائز دي۔ هغه ووئېل قبله اول د اسرائيل په غېر قانوني تسلط كښې ده ۔ د فلسطين اولس د مسجد الاقصی آزادۍ لپاره د خپل ځان٬مال او كورنۍ قربانولو عزم لري۔د فلسطين صدر صلاحكار ډاكټر محمود الهباس٬مسجد الاقصی امام سره به ډېر زر د پاكستان دوره وكړي۔
