اسلام آباد 13 جون (اے پي پي) نائب وزيراعظم او خارجه وزير سينيټر اسحاق ډار په ايران جواز نه لرونكي اسرائيلي بريدونه غندلو سره دا د ايران خپلواكۍ څخه سرغړونه ګرځولې ده ۔ نائب وزيراعظم د جمعې په ورځ پخپل اېكس پوسټ بيان كښې ووئيل چې دې ناوړه عمل د نړیوال قانون بنسټونه او د انسانیت ضمير هم لړزولې دے۔ ده ووئيل اسرائيلي بريدونو سيمه ايزې او نړيوالې سلامتيا ته هم سخت زيان رسولے دے۔ اسحاق ډار د دې خبرې پخلې وكړو چې پاکستان د ايران حکومت او اولس سره ولاړ دے ۔ د دې نه وړاندې د خارجه دفتر وياند هم وئيلي ٶ چې د اسرائيل بريدونه د ايران د خپلواكۍ او سيمه ايز سلاميت څخه سرغړونې سره سره په ښكاره توګه د ملګرو ملتونو د چارټر او د نړويوالو قوانينو د بنيادي اصولو خلاف ورزي ده۔ د خارجه دفتر وياند ووئيل چې د ملګرو ملتونو د منشور د آرټيکل 51 له مخې ايران ته د خپلې دفاع حق ترلاسه دے
