اسلام آباد 30 اپریل(اے پي پي )د سينيټ چيئرمېن سيد يوسف رضا ګېلاني وئېلي دي وړومبۍ مئي يوازې يوه ورځ نه ده بلكې د عزم٬قربانۍ او بشري عظمت هغه روشن علامت دے كوم چې مونږ ته درس راكوي چې پرمختللې قامونه د خپلو خوار كښو احترام كوي ٬د دوي د حقونو تحفظ كوي او خېرښېګړې ته يي وړومبې پام لرنه كوي٬خواري كښ د كوم هم قام د ملا د تير حېثيت لري٬پټي ٬كارخانې٬د ودانو جوړونه٬سترې لارې او نورې هلې ځلې د دوي د بې لوثه هلو ځلو٬خوارۍ او د عزم څرګندونه ده٬د دوي محنت هم دغه سرمايه ده كوم چې هېواد او قام د پرمختګ سفر روان ساتي۔د سينيټ سيكرټرېټ لخوا جاري شوي بيان له مخې د خواري كښو نړيوالې ورځ په موقع په خپل خاص پېغام كښې د قام ټولو خواري كښو ته پيرزوئنې وړاندې كولو سره ده ووئيل مونږ له به د قام په توګه د دې حقيقت ادارك كول وي چې ترڅو خواري كښې طبقې ته سماجي٬معاشي او قانوني تحفظ ورنه كړې شي٬د پائيدار پرمختګ خوب به نيمګړې پاتې شي٬يوه داسې ټولنه چرته چې د خواري كښو عزت٬حقونه پاسداري او انصاف باوري وي٬هلته خوشحالي او امن زر راځي۔ده ووئيل پارليمان٬په خاص توګه سينيټ آف پاكستان٬تل د خواري كښو د حقونو تحفظ٬اجرت كښې ښه والي ٬محفوظ ماحول او سماجي انصاف لپاره هلې ځلې كړي٬مونږ د دې عزم پخلے كوو چې راتلونكې كښې به هم د هغه هرې قانون سازۍ او پاليسي سازۍ كښې وړاندې يو كوم چې د خواري كښو په ژوند كښې د بهترۍ ذريعه جوریږي۔په آخر كښې ده ووئيل راځۍ چې مونږ ټول په ګډه نن دا سوګند پورته كړو چې مونږ به د خواري كښو د حقونو تحفظ٬د دوي په ژوند كښې ښه والي او د خوبونو تعبير لپاره خپلې ټولې توانائۍ وقف كوو او د يو داسې پاكستان به جوړوو چرته چې خواري كښو ته عزت٬وقار او خوشحالۍ نصيب وي۔
