د ځوانانو روژنې او د عصري ټيكنالوجۍ برابرولو كښې سرمايه كارۍ سره به پاكستان په يو څو كلونو كښې پرمختللے هيواد جوړ شي۔ د وزيراعظم شهباز شريف د “پرائم منسټرز ډيجيټل يوتھ هب” اجراء دستورې ته وينا

APP08-270325 ISLAMABAD: March 27 – Prime Minister Muhammad Shehbaz Sharif addresses the launching ceremony of Prime Minister's Digital Youth Hub. APP/TZD

اسلام آباد 27 مارچ (اے پي پي) وزيراعظم شهباز شريف وئيلي دي چې ځوانان مونږ لپاره يو چېلنج سره سره يو عظيم موقع هم ده٬ ځوانانو ته دې د آئي ټي، مصنوعي ذهانت او وظيفائي تربيې وركړې شي نو دوي به د هېواد ستره سرمايه جوړ شي، د ځوانانو روژنې او دوئي لپاره د عصري ټېكنالوجۍ برابرولو كښې سرمايه كارۍ سره به پاكستان په يو څو كلونو كښې پرمختللې هېواد جوړ شي٬ د پور ژوند د عزت په ژوند كښې بدلول دي٬ زه لاس په دعا يم چې د آئي اېم اېف موجوده پروګرام د هېواد د تاريخ وروستې پروګرام شي۔ د دې خيالاتو څرګندونه وزيراعظم د زيارت په ورځ د “پرائم منسټرز ډيجيټل يوتھ هب” اجراء دستورې ته خپله وېنا كښې وكړه۔ په دې موقع د اطلاعات او خپرونو وفاقي وزير عطا تارړ، د كشمير او ګلګت بلتستان چارو وفاقي وزير امير مقام، د آئي ټي وفاقي وزيره شزه فاطمي خواجه هم موجود وه۔ وزيراعظم ووئيل دا نننۍ ورځ د يوې ځانګړې خوشحالۍ ورځ ده٬ په كوم دور كښې چې چا ته د مصنوعي ذهانت علم نه ٶ په ھغه زمانه كښې د وزيراعلٰې پنجاب په توګه تعليم، صحت او ځوانانو لپاره مې ترجيحي اقدامات كړي٬ په پنجاب كښې د كال 2011 نه تر كال 2018 د مېرټ په بنياد 4 لكه لېپ ټاپ په ذهين زده كوٶنكو (هلكانو/جينكو) كښې وېړيا وېشلي شوي٬ ځوانانو ته به د آئي ټي، مصنوعي ذهانت او وظيفائي تربيې وركړې شي نو دوي به د هېواد عظيم سرمايه جوړ كړې شي٬ نننۍ نړۍ عصري ټېكنالوجۍ كارولو ته اړتيا لري ٬ د پاکستان ځوانان مونږ لپاره يو چېلنج سره سره يو عظيمه موقع هم ده۔ وزيراعظم ووئيل پاك پرودګار پاكستان له بلها قدرتي نعمتونه وركړي دي٬ كه بېلا بېل هېوادونه د قدرتي سرچينو نعمت لري نو د پاكستان سرمايه د كروړونو په شمېر ځوانان دي۔ده ووئيل رانا مشهود احمد خان ته د پروډکټو اېمپلائمنټ ټاسك وركړے شوے دغسې چې ځوانانو ته د كركيلې او صنعت څانګو، آئي ټي هاٶسز، پوهنتونونو او په ټيکنيکل سنټرز كښې د بهترين تربيې وركولو نه وروسته ملازمتونه وركړې شي۔ وزيراعظم ووئيل مونږ به خپل خرڅونه كم كړؤ خو د پاكستان ځوانانو ته به بهترينه تربيه وركول باوري كوٶ٬ مونږ ټرېننګ سټنرز له بهترين ټرېنر غواړو٬ ځوانان زمونږ اثاثه دي٬ دوي ته به غوره هنر وركوٶ او د هنر مند ځوانانو د لارې به د هېواد سباون ځلنده جوړٶ٬ وزيراعظم ووئيل د دې پورټل د لارې به صوبو سره په ګډه وسائل وركول باوري كوٶ۔ وزيراعظم ووئيل په 77 كالو كښې زمونږ پورونه ډېر زيات شوي٬ زه لاس په دعا يم چې د آئي اېم اېف موجوده پروګرام د هېواد د تاريخ وروستې پروګرام وي ځكه چې د آئي اېم اېف پروګرامونو سره قام پرمختګ نه كوي بلكې معاشي اشاريې مستحكم كېدې شي او دا استحكام پاكستان ترلاسه كړے دے۔ ده ووئيل د آئي اېم اېف سره د سټاف لېول لوظنامه شوې ده ٬ د آئي اېم اېف د بورډ آف ګورنر په مئي كښې كېدونكې غونډه كښې به د يو ارب ډالرو بل قسط منظور شي٬ ځوانانو له د پور دا ژوند د عزت په ژوند كښې بدلول دي٬ كروندګرو٬ صنعتكارو او ځوانانو له به په معاسي توګه قوي جوړول وي٬ زه به تر وروستۍ سلګۍ ستاسو د حقونو جنګ كوم او قام له قرضونو خلاصوم٬ د خادم په توګه به د پاكستان خدمت كوم٬ د پورونو نه خلاصېدو لپاره به مونږ له خپل پېداوار او صادرات زياتول وي٬ د اربونو او كهربونو روپو مقدمې په عدالتونو او ټريبونلز كښې روانې دي ٬ يوازې د سندھ په هائي كورټ كښې د حكم امتناعي يوې قضيې ختمېدو سره 23 اربه روپۍ په قامي خزانه كښې جمع شوې دغسې د لاهور هائي كورړټ هم د 11 اربه روپو د حكم امتناعي كېس خارج كړ۔ ده ووئيل كه پاك پروردګار ته منظور وي شپه او ورځ خواري كولو سره به پاكستان په خپلو پښو اودروو۔ دستورې ته د وزيراعظم يوتھ پروګرام چيئرمېن رانا مشهود احمد خان٬ پاكستان لپاره د يونېسف چاواكې شرميلا رسول او د ملګرو ملتونو ريذيډنټ کوآرډينيټر محمد يحيٰ هم وېنا وكړه۔