اسلام آباد 05 مارچ (اے پي پي) وزيراعظم شهباز شريف په بنو چھاؤڼۍ ترسره شوي ناكامه بريد كښې د فتنه الخوارج ككړ ترهګرو په ضد په كامياب عملياتو امنيتي ځواكونو ته پېرزوئنې وړاندې كولو سره د ترهګرو مقابلې كولو په مهال شهيد شوو پنځه اهلكارو ته پېرزوئنې وړاندې كړې دي۔ د شورو په ورځ د وزيراعظم آفس ميډيا ونګ لخوا د جاري بيان له مخې وزيراعظم شهيدانو لپاره د لوړو درجو دعا او غمژنو كورنيو سره د غمرازۍ څرګندونه وكړه۔ وزيراعظم په چهاٶڼۍ بريد كښې د فتنه الخوارج ككړ ټولو 16 ترهګرو په وژلو د امنيتي ځواكونو ستائنه وكړه۔ ده ووئيل مېړنو ځوانانو د خپلو ځانونو پرواه نه كولو سره د ترهګرو د شرم وړ مقاصد ناكامه كړي او هېواد ئې د لوي زيان نه ساتلے۔ وزيراعظم ووئيل ټول قام وسله والو ځواكونو ته سلام وړاندې كوي۔ وزيراعظم ووئيل هېواد څخه د هر ډول ترهګرۍ د بشپړه خاتمې عزم لرؤ
