كوئټه 15 جون (اے پی پی) د سېفران وفاقي وزير لېفټيننټ جنرال (ر) عبدالقادر بلوچ په كوئټه كښې نيچارې امام باړې ته تللو سره تېره ورځ د طورخم په پوله د افغاني ځواكونو په ډزو كښې شهيد شوي د ميجر علي جواد چنګيزي كورنۍ سره د وزيراعظم محمد نواز شريف او وفاقي حكومت لخوا غمرازي ښكاره كړې۔ په دې موقع مېډيا سره په خپلو خبرو كښې ده ووئيل د پاك افغان پولې صورتحال جاج اخلو او د پاكستان دفاع لپاره به ضروري اقدامات كولې شي۔ ده ووئيل د طورخم په پوله رامخې ته شوې پیښه يوه ناوړه پیښه ده٬د پاك پوځ د پولو دفاع لپاره قرباني قوم چرې هم هېرولې نه شي۔ ده ووئيل چې د پاكستان او افغانستان په سياسي مشرتابه دا ذمه واري راځي٬ كه په سمدستي توګه مسئله حل نه شوه نو دا به يو سخت صورتحال خپل كړي۔
