اسلام آباد 24 دسمبر (اے پي پي) د سېنېټ چيئرمېن ميا رضا رباني وئيلي دي چې امريكا د پاكستان قربانې نظر انداز كوي٬ اسيا دې د خپل قسمت پرېكړه په خپله وكړي٬ ګني تاريخ به ئې ونه بخښي٬ په منطقه كښې د اسرائيل٬ امريكې او هند نوې اتحاد جوړېږي٬ سپر پاور د مېنځني ختيز د توان په ذخيرو كنټرول غواړي٬ د امريكې په دستاوېزاتو كښې روسيه٬ چين٬ اېران٬ شمالي كوريا او جهاديان چېلنج او چين او روسيه د هېواد سلامتيا لپاره خطر ګرځول شوي دي۔ ده دا خبرې د اتوار په ورځ په اسلام آباد كښې د شپږو سيمه ايزو هېوادونو د سپيكرانو وړومبي كنفرنس ته د وېنا كولو په مهال وكړې۔ په دې موقع اولس مشر ممنون حسېن٬ د قومي اسمبلۍ سپيكر سردار اياز صادق٬ د روسيې٬ چين٬ اېران٬ تركيې او د افغانستان پارلماني سپيكران او پلاوي ٬ د پارلمان غړي٬ سفارتكار او نور چارواكي هم موجود وو۔ ميا رضا ربابي ووئيل چې د امريكې په دستاوېزاتو كښې روسيه٬ چين٬ اېران٬ شمالي كوريا او جهاديان چېلنج او چين او روسيه د هېواد سلامتيا او خوشحالې لپاره خطر ګرځول شوي دي۔ سپر پاور وسله د ګټې ذريعه ګرځولې٬ هغه د مېنځني ختيز د تېلو په ذخيرو مكمل كنټرول غواړي٬ دغسې سي پېك او ون روډ ون بېلټ پروژه ځينې طاقتونو لپاره خطر ګرځېدلې۔ رضا رباني ووئېل شپږو هېوادونو ته خپل تاريخ ته د پام كولو ضرورت دے٬ د دې هېوادونو ترمېنځه اتحاد د وخت ضرورت دے۔ ده ووئيل چې د ون روډ ون بېلټ پروژې څخه به پاكستان ته په جفرافيائي لحاظ ډېره ګټه ورسي٬ مونږ ته د ترهګرې٬ انتهاخوښې او د فرقه بندې نه د بچ كېدو ضرورت دے۔ ده ووئيل چې مونږ زده كړه ونه كړه نو تاريخ به مونږ ونه بخښي۔ ده ووئيل چې مونږ ته د اسيا په وسيلو كنټرول كول دي٬ خپل مشران راوړاندې كول دي او د خپ اولس بهترې لپاره وړاندې تلل دي۔ ده ووئيل چې دا كنفرنس په سيمه ايزه او نړيواله كچه ډېر مهم دے۔ ملګري ملتونه پرله پسې د كشميريانو د خپلواكې د حق نه انكاري دي٬ مونږ چې په كومه نړۍ كښې اوسو٬ حالات ئې ډېره په تندې سره بدلېږي۔ ده ووئيل چې ډونلډ ټرمپ د خپلې افغان پالېسې اعلان وكړو د كومې چې درې بنيادي نكات دي٬ هغه په افغانستان كښې خپلې ناكامې په پاكستان وراچول غواړي٬ هغې د پاكستان قربانې هېرې كړې دي٬ مونږ ته نړې ته دا باور وركول دي چې پاكستان يو خپلواكه هېو اد دے٬ د چا نوې آبادي نه ده۔ د مېنځني ختيز په اړه د امريكې پاليسي د اسلامي هېوادونو د عدم استحكام پاليسي ده۔ د امريكې لخوا يروشلم﴿ مقبوضه بيت المقدس﴾ د اسرائيل پلازمينه ګرځول سخته غلطي ده٬ خو د ملګرو ملتونو په عمومي اسمبلې كښې د 120 نه زياتو هېوادونو د امريكې پرېكړه ردولو سره پوخ ځواب وركړے۔ ده ووئيل چې پاكستان ګاونډي هېوادونو سره د دوستې په اړيكو او سوله باور لري خو بايد دا اړيكې د اصولو په بنياد وي۔ ده ووئيل چې كه هند د برابرې په بنياد خبرو ته راضي وي نو مونږ به ئې هركلې وكړو۔
