اسلام آباد 12 دسمبر (اے پي پي) د پاك بحريه مشر اېډمرل ظفر محمود عباسي د تركيې د فلېټ كمانډر وائس اېډمرل اركيومنټ ټېټلي اوګلو او د تركيې د نادرن اېريا كمانډر ريئر اېډمرل ﴿يو اېچ﴾ سكندر يلدرم سره جلا جلا ملاقاتونه كړي دي په كومو كښې چې د شريكې خوښې د وظيفه اي چارو پشمول د بحري شركت او په بحرهند كښې د امنيت په وضعه خبرې شوې دي۔ د پاك بحريه مشر ته د تركيې د فلېډ كمانډ په اړه تفصيلي بريفنګ وركړے شو٬ ده د ګولكيك نېول شپ يارډ او د تركيې د سمندري بېړې هېبیلیادا دوره هم وكړه۔ د پاك بحريه وياند له مخې د پاك بحريه مشر اېډمرل ظفر محمد عباسي د تركيې په سركاري دوره تللے دے۔ هغه چې كله تركيې فلېټ هېډكوارټرز ګولكېك بېس ته ورسېدو نو د تركيې فلېټ كمانډر د اېډمرل محمود ظفر عباسي هركلې وكړو۔ په دې موقع د پاك بحريه مشر ته اعزازي سلامي وكړې شوه۔ د دې نه پس د پاك بحريه مشر د تركيې د فلېټ كمانډر وائس اېډمرل راكيومنټ ټېټلي اوګلو سره ملاقات وكړو۔ اېډمرل ظفر محمود عباسي په منطقه كښې مېري ټائم امن او استحكام باوري كولو په لړ كښې د تركيې د سمندري پوځ كردار او خدمات وستائيل۔ اېډمرل ظفر محمود عباسي د ګولكيك نېول شپ يارډ او د تركيې د سمندري بېړې هېبیلیادا دوره هم وكړه۔ د تركيې سمندري بېړې ته په تللو د تركيې د بحريه چټك ډلې هغه ته اعزازي سلامي وكړه۔ د بېړې د دورې په وخت د پاك بحريه مشر د بېړې عملې سره خبرې وكړې او د هغوي وظيفه اي پوهه ئې وستائيله۔ د پاك بحريه مشر ووئيل د پاكستان او تركيې دوستي بې مثاله او ډېره مهمه ده او د دواړو هېوادونو ترمېنځه مرسته د قوي اړيكو په سبب ده۔ د پاك بحريه مشر د تركيې د نادرن سي اېريا كمانډر ريئر اېډمرل ﴿يو اېچ﴾ سكندر يلدرم سره هم ملاقات وكړو۔ د ملاقات په مهال د شريكې خوښې په وظيفه اي چارو خبرې وشوې۔ د پاك بحريه مشر دا دوره به د دواړو هېوادونو او په خاص توګه د دواړو بحريه ځواكونو ترمېنځه د بحري شركت او په دفاعي اړيكو كښې د لا پراختيا او اسحتكام سبب وګرځي
