اسلام آباد ۔9جون(اے پی پی) د كشمير او ګلګست بلتستان چارو وفاقي وزير چوهدري محمد برجېس طاهر وئيلي دي وزیر اعظم نواز شریف به ډېر زر روغ جوړ شي او هېواد ته به راستون شي او د خپل وژن ترمخه به د پرمختګ عمل جاري وساتي۔ ده دا خبره د زيارت په ورځ اسلام آباد كښی يو پلاوي سره خبرو كښې وكړه۔ ده ووئيل وزیر اعظم چې پاكستان ته د پرمختګ كوم وژن وركړے د هغې نه يواځې په ځائي بلكې په نړيواله كچه هم ستائنه شوې۔ ده ووئيل د كال 1990ء په لسيزه كښې د وزيراعظم په دې وژن د هغه وخت مخالفو ګوندونو ټكونه كړې وو او د موټروے منصوبه ئ سپين هاتي ګرځولو۔ ولې نن هغه مخالف ګوندونه خپلو سيمو كښې يا خو موټروے جوړوي يا دغه سيمې موټروے سره د تړلو هڅې كوي۔ دوئي ته معلومه ده چې د پاک چین اقتصادی راھدارۍ په شكل كښې جوړېدونكي روټس او موټروېز د يو سړك نامه نه بلكې دا پروژه به د دغه سيمو د سوكالۍ او پرمختګ سوب هم وګرځي
