اسلام آباد۔30اپرېل(اے پی پی) د مذهبي چارو وزارت د سركاري سكيم د لارې حج كوؤنكو ته وئيلي دي چې هغوي دې په خپل موبائل پاك حج موبائل اېپ په فوري توګه ډاؤن لوډ كولو سره د وركړې شوې لارښودلې له مخې خپل اړوند حاجي كېمپ ته رجوع وكړي۔ د مذهبي چارو وزار وياند له مخې د سركاري سكيم د لارې حج له تلونكو لپاره دا اېپ ډاؤن لوډ كول لازمي دي۔ ده د سركاري سكيم له مخې حج له تلونكو ته وئيلي چې هغوي دې د دې اېپ د لارې د ترلاسه كېدونكي نوټيفكېشن له مخې خپل اړوند حاجي كېمپ ته لاړ شي او وېكسين لګولو سره سره دې د دويانو پېكنګ او د حج ګفټ ترلاسه كول باوري كړي۔ ده ووئيل حج له تلونكو سړو ته به د حاجی کېمپ لخو يو لويے ټرالی بېګ ، هېنډ کېری بېګ ، شوز بېګ، احرام او بېلټ وركولے شي او مېرمنو ته به سكارف وركولې شي۔ دې سره سره ټولو ته به سعودي موبائل سم وركولے شي۔ د وياند له مخې د روان كال سركاري پېكج كښې به حجاز مقدس ته رسېدو سره حج كوؤنكو ته ایئرپورټ څخه تر استوګنې د ټرانسپورټ ٬ 24 ساعته كښې څه وخت هم د حرم ټرانسپورټ انټرسټی بس، درې وخته خوراك او د ټرین آسانۍ نه ځانله هېواد ته د راستنېدو په مهال 5 لېټره زمزم وركولے شي۔
