مکة المکرمة 08 اپرېل (اے پي پي) وزيراعظم محمد شهباز شريف او د سعودي عرب ولي عهد او وزيراعظم شهزاده محمد بن سلمان بن عبدالعزيز السعود په پاکستان كښي د 5 اربه ډالرو د سعودي سرمايه كارۍ د نوي پېكج وړومبي پړاٶ زر تر زره د ترسره كولو د عزم پخلے وكړو ۔ د ګل په ورځ د وزيراعظم آفس ميډيا ونګ لخوا د جاري بيان له مخې ولي عهد شهزاده محمد بن سلمان بن عبدالعزيز السعود او د وزيراعظم محمد شهباز شريف ترمېنځه د رسمي ملاقات نه پس د ګډې اعلاميه جاري كړې شوه ٬ د دواړو ملاقات په الصفاء پيلس مکه المکرمه كښې وشو٬ ولي عهد وزيراعظم محمد شهباز شريف ته په منصب سنبهالولو مباركي وركولو سره ده لپاره د نېكو هيلو څرګندونه وكړه ۔ وزيراعظم محمد شهباز شريف د سعودي عرب په غير متزلزل مرسته او مېلمستيا د سعودي ولي عهد مننه كولو سره دوه اړخيزه اړيكو او اقتصادي مرستې ته ودې وركولو لپاره د پاكستان د عزم پخلے وكړو٬ دواړو مشرانو ترمېنځه د خبرو اترو محور د دواړو هېوادونو د ورورولۍ اړيكې لا قوي كول او په بېلا بېلو څانګو كښې مرسته زياتولو لپاره لارې لټول وو٬ په ملاقات كښې د پاکستان په معيشت كښې د سعودي عرب د مرستې ستائنه وشوه او د دواړو هېوادونو ترمېنځه كاروبار او د سرمايه كار په اړه مرسته زياتولو لپاره هم د عزم څرګندونه وشوه۔ په دې موقع دواړو مشرانو په پاکستان كښي د 5 اربه ډالرو د سعودي د سرمايه كارۍ د نوي پېكج وړومبې پړاٶ زر تر زره د ترسره كولو د عزم پخلے وكړو۔ په دې موقع دواړو مشرانو د غزه د اندېښمن صورتحال پشمول د شريكې خوښې په سيمه ايزو چارو د خيالاتو څرګندونه هم وكړه
