اسلام آباد۔29مارچ (اے پي پي) د كورنيو چارو وفاقي وزير محسن نقوي وئېلي دي قام له باور وركوو چې د امن لپاره به تر آخري حد پوري ځوو ، ترهه ګرو او د هغوي سهولت کارو ته به په ګران وطن كښې د پټېدو ځائے تر لاسه نشي ۔ ده پیښور كښې د فرنټیئر کانسټیبلري (ایف سي) هیډ کوارټر كښې اعلی كچ غونډې ته خطاب کولو ۔ ایف سي هیډکوارټرز ته په رسېدو کمانډنټ ایف سي معظم جاہ انصاري د وفاقي وزیر هر كلے وكړو ۔ دغسې وفاقي وزیر محسن نقوي سره د ایف سي افسران معارفي كړے شوو ۔وفاقي وزیر ایف سي هیډ کوارټر كښې د شهيدانو يادګار ته هم لاړو ۔ ده د شهيدانو په یادګار ګلونه كېښودل او فاتحه خواني ئې وكړه۔ ۔وفاقي داخله وزیر د ایف سي شهيدانو ته به غوره ټكو پېرزوئنې وړاندې كولو كښې ووئېل د ایف سي مېړنو ځوانانو د امن راوستو لپاره کلیدي کردار ادا کړے ۔ دغسې د وفاقي وزیر په مشرۍ كښې ایف سي هیډ کوارټر كښې غونډه هم وشوه ۔ ده ووئېل ایف سي به لا موثر فورس جوړولې شي او ایف سي هیډ کوارټر ته به زر بيا راشم۔ ده ووئېل دښمن د امن له مينځه وړلو سازش کوي ۔ د اتحاد په قوت به دا سازش ناکامه كوو ۔ ده ووئېل د قائداعظم په پاکستان كښې د ترهه ګرۍ هيڅ ګنجائش نشته ۔ وفاقی وزیر په دې مهال د ایف سي هیډ کوارټر په اڼګن كښې د شجرکارۍ كمپائن تر مخه يو بوټے هم نال كړو ۔دغسې کمانډنټ ایف سي د ادارې کارکردګۍ او نورو چارو په اړه وفاقي وزير خبر كړو۔ ۔
