اسلام آباد 27مارچ(اے پی پی)خارجه وزير محمد اسحاق ډار سره د اردن نائب وزيراعظم او خارجه وزير ايمن صفادي ټېليفوني تماس نيولے او د خارجه وزير په چوكۍ سنبهالولو ئې مباركي وركړې۔د شورو په ورځ د خارجه دفتر له مخې خارجه وزير محمد اسحاق ډار د اردن خارجه وزير سره به خبرو كښې ووئيل د پاكستان اولس د شاهي كورنۍ او د اردن اولس ډېر عزت كوي۔دغسې دواړو خارجه وزيرانو د پاكستان او اردن ترمينځه د ګڼ اړخيزې مرستې رفتار لا تندولو ته اتفاق وكړو ۔د غزه په صورتحال خپلو خبرو كښې دواړو خارجه وزيرانو د فلسطين اولس په ضد د اسرائيل قابضو ځواكونو د غېر بشري او وحشيانه كاروائيو غندنه وكړه۔دوي د سمدستي جنګ بندۍ په ضرورت زور راوړو او ووئېل ئې چې د غزه خلقو لپاره د بشري مرستې رسونه كښې د زياتوالي راستلو ضرورت دے۔
