اسلام آباد 26 مارچ (اے پی پی) د خزانې او محصولات وفاقي وزير اورنګزېب وئېلي دي د هېواد پرمختګ لپاره نيغ په نيغه ټيكسونو كښې زياتوالے او په برآمدات اډانه نمو ضروري ده٬كليدي ټيكس وركوونكي او برآمد كوونكي زمونږ قامي اتلان دي۔د دې خيالاتو څرګندونه ده د نهې په ورځ د زيات ټيكس وركوونكو او برآمد كوونكو ته د ايوارډز وركولو دستورې ته وينا كښې وكړه۔وزيراعظم محمد شهباز شريف په دې موقع خاص مېلمه ؤ ٬ په دستوره كښې وفاقي وزيران٬زيات ټيكس وركوونكو او برآمد كوونكو او سينئر چارواكو ګډون كولو۔په دې مهال د خزانې وزير ايوارډ ترلاسه كوونكو زيات ټيكس وركوونكو او برآمد كوونكو ته مباركي وركړه او وې وئېل دا خلق قامي اتلان او زمونږ لپاره د لارې مشالونه دي۔ده ووئيل د كوم هم هېواد د پرمختګ او نمو انحصار نيغ په نيغه ټيكسونو او برآمدات سره وي٬په پاكستان كښې د نيغ په نيغه ټيكسونو او برآمدات كښې د اضافې مسئله حل كول ضروري او د وخت تقاضه ده۔د خزانې وزير ووئيل د اېف بي آر ري سټركچرنګ او ډيجيټلائزېشن لپاره د اقدامات لړۍ روانه ده دغسې چې د ټيكس غلو مخ نيوے وكړے شي۔ دې اقداماتو څخه به په محصولات كښې زياتوالے راشي ۔ ده ووئيل د معيشت په اړه د نجي څانګې كردار د اهميت وړ دے٬نجي څانګې له د معيشت په اړه خپل كليدي كردار ادا كول پكار دي۔د خزانې وزير ووئيل مونږ له په برآمدات اډانه نمو او پرمختګ ته ضرورت دے۔
