اسلام آباد۔29 نومبر (اے پی پی) د اتوار په ورځ نېشنل کمانډ اېنډ آپرېشن سنټر (اېن سی او سی) د كورونا وائرس په اړه تازه شمېرې جاري كړې دي چې له مخې ئې د تېرو 24 ساعتو په مهال روغتونونو كښې د وائرس 2829 نوي كېسونه رامخې ته او د دې له امله 43 نور رنځوران مړه شول۔ په تېرو 24 ساعتونو كښې د كورونا وائروس 40 زره 369 ټېسټونه وكړے شول۔ تر دې دمه د دې وبا نه ګرد هېواد كښې 3 لکھ 39 زره 810 كسان ښه شوي۔ آزاد كشمير او بلوچستان كښې د كورونا وائرس كوم رنځور په وېنټي لېټر نشته۔ ګرد هېواد كښې د كورونا وائرس لپاره په بېلو كړو 1 زر 758 وېنټی لېټرز د كورونا 286 رنځوران یراته دي۔ ګرد هېواد كښې د وائرس اېكټو كېسونو شمېره 47390 ده۔ د ځپليو شمېره 3 لکھ 95 زره 185 ته رسېدلې ده۔ تر دې دمه ګرد هېواد كښې د دې وائرس د لاسه 7 زره 985 كسان مړه شوي۔ په مجموعي توګه ګرد هېواد كښې د كورونا وائرس 54 لکھ 75 زر 508 ټېسټونه شوي۔ د كورونا درملنو له خاص كړو د ګرد هېواد 614 روغتونونو كښې د 2682 رنځوران داخل دي
