په خوږ هېواد كښې د سي پېك پروژه متاثره كولو لپاره خارجيان فرقه ورانه، مسلكي منافرت او اړي ګړي لپاره منصوبه بندي كوي

اسلام آباد 11 اګست (اے پي پي) د اسلامي نظرياتي كونسل چيئرمېن ډاكټر قبله اياز وئيلي دي په خوږ وطن كښې د سي پېك پروژه متاثره كولو لپاره خارجيان فرقه ورانه، مسلكي منافرت او د اړي ګړي راجوړولو بهرنې منصوبه بندي كوي ، د “خپل مسلك مه پرېږدئ او د بل مسلك مه چېړئ ” اصول به خپروو چې دغسې د كوم مسلك زړه آزار نه شي، په مسلكي تنظيمونو كښې د موجودو انتها خوښو عناصرو به حوصله ماتوو. ده دا خبرې د نهې په ورځ د اسلامي نظرياتي كونسل تر سيوري لاندې ” د بېلا بېلو مسلكونو ترمېنځه د روابطو او حسن تعامل لائحه عمل” په موضوع د كنونشن نه پس د شريكې اعلاميې جاري كولو په مهال وكړې. ده ووئيل په كنونشن كښې بېلا بېلو علماﺀ كرامو او مشائخو ګډون وكړو او دوي په لسو نكاتو اتفاق وكړو كومو ته چې د شريكې اعلاميې شكل وركړے شوے. نن دا اجتماع د دې خبرې څرګندونه ده چې د فرقه ورانه، مسلكي منافرت او فساداتو بهرنې منصوبه بندي به ناكامه كولې شي. د مسلكونو ترمېنځه د مناظراتي انداز په ځائ به علمي مكالمې ته وده وركولې شي.ده ووئېل ملي ارتباط مستحكم كولو لپاره به هڅې كولې شي. ده ووئيل خالص علمي مسائل به په اولسي كچه د بحث موضوع وي، د بېلا بېلو مسلكونو د مشرانو او د مقدسو شخصياتو په اړه د متنازعه بيانونو او تحريرنو څخه به ډډه كولې شي. د “خپل مسلك مه پرېږدئ او د بل مسلك مه چېړئ ” اصول به خپروو چې دغسې د كوم مسلك زړه آزار نه شي۔ده ووئېل په مسلكي تنظيمونو كښې د موجودو انتهاخوښو عناصرو به حوصله ماتوو، د قومي همغږۍ ودې لپاره به د مسلكونو ترمېنځه روابطو ته وده وركولے شي او دې هڅو لپاره به د كومې يرې او خطر نه بغېر واضح دريځ خپلولے شي