ايوان صدر كښې د لوئے اختر لمونځ كورونا نه د حفاظت په تګلاره عمل كولو سره ادا كړې شو

اسلام آباد ۔ 01 اګست (اے پی پی) ايوان صدر كښې د لوئے اختر لمونځ كورونا نه د حفاظت په تګلاره عملدرآمد كولو سره ادا كړې شو۔ د اولس په نامه وېډيو پېغام له مخې صدر مملكت ډاكټر عارف علوي خپل كور كښې د اختر لمونځ ادا كړو۔ وروستو هغه د ايوان صدر عملې ته د اختر مباركي وركړه۔ اولنۍ مېرمنه بېګم ثمينه علوي هم په دې موقع موجود وه۔ يو بل ته د اختر مباركۍ وركولو په مهال كورونا نه د بچ كېدو په تګلاره عمل وكړے شو۔ سماجی فاصله په ځائې وساتلې شوه۔ ټولو وګړو ماسك اچولے وو۔ په دې مهال خپلو خبرو كښې صدر مملكت ډاكټر عارف علوي ووئيل د قربانۍ اختر د خوشحالۍ په موقعه ټول اولس او اسلامي نړۍ ته مباركي وركوم۔ د ذوالحجې مياشت د قربانۍ٬اطاعت ٬ خواخوږۍ او نظم وضبط درس وركوي۔ دې نه وړاندې ايوان صدر كښې د اختر لمونځ ادا كړے شو كوم كښې چې سماجي فاصله په ځائې وساتلې شوه۔ لمونځ ګزارو ماسك اچولو سره د اختر لمونځ ادا كړو۔