کراچی۔ 23 مئی (اے پی پی) دسندھ ګورنر عمران اسماعيل او د هوابازۍ وفاقي وزير غلام سرور خان ماډل كالونۍ كښې پرېوتو سره د تباه شوې الوتكې ځائې د خالي په ورځ دوره وكړه۔ د سندھ ګورنر د سيمې وګړو څخه د پیښې په اړه تفصيلات معلوم كړل۔ د سندھ ګورنر ووئيل دا د افسوس وړ پېښه ده په كومه كښې چې قيمتي انساني ځانونه خپل حقيقي خالق پلو تلي دي۔ په دې مهال ده سره د پي آئي اے سي اي او هم وو۔ د سندھ ګورنر د پېښې ځائې معائنه كولو نه وروستو ميډيا سره خبرو كښې د مرستې كارونو كښې د پاكستان آرمي او رېنجرز ځوانانو ٬ اېدھي فاؤنډېشن ٬ چھيپا ٬ پاكستان بوائز اسكاؤټس او د هلال احمر رضاكارانو كردار ستائلو سره ووئيل دوئي ډېر جوش او جذبې سره كار كړې دې۔ ده ووئيل د مړو پېژندګلو له د حق رسېدليو ډي اېن اے نمونې اخستلې شوې دي۔ ده ووئيل د وزيراعظم په هدايت به د حق رسېدليو خپلوانو ته په ابتدائي توګه سړي سر 10 لكه روپۍ وركولې شي۔ د انشورنس رقم به ددې نه ځانله وي۔ د يوې پوښتنې په ځواب كښې ده ووئيل د وفاقي حكومت لخوا جوړه كړې شوې تحقيقاتي كمېټۍ خپل كار پېل كړې دې۔ ده ووئيل پېښه كښې ددوه كسانو بچ كېدل د لوئے څښتن د قدرت څرګندونه ده۔ د هوابازۍ وفاقي وزير غلام سرور خان ووئيل پېښه كښې تباه شوې كورونه به وفاقي حكومت جوړوي۔ دغسې دې پېښه كښې د تباه شوې ګاډو تخمينه لګولو سره ددې مالكانو ته به معاوضه وركولې شي۔ ده ووئيل د پېښې په اړه حقائق به پارلمان او اولس ته وړاندې كوؤ