اسلام آباد۔6ستمبر (اے پی پی) صدر مملكت ډاكټر عارف علوي وئيلي دي د ستمبر جنګ د مضبوط عزم ٬ پېشه ورانه پوهې ٬ وطن سره د مينې او قربانۍ جذبې علامت په توګه د يو يادګار حېثيت لري٬ په ننۍ ورځ مونږ امن ته د ودې وركولو او نورو سره د پرامن پاتې كېدو په پالېسۍ عمل كولو له د خپل عزم پخلې كوؤ٬ مونږ خپلو قومي او نړيوالو ذمه واريو څخه خبر يؤ٬ د ملګرو ملتونو تر بېرغ لاندې په نړۍ كښې امن په ځايې كولو له به خپل كردار ترسره كوؤ ٬ د جموں و كشمير پخوانې شخړې هواري ته سترګې په لاره يؤ۔ د ايوان صدر پرېس ونګ لخوا د جاري شوي بيان له مخې ددې خيالاتو څرګندونه ده د شورؤ په ورځ د ستمبر په 6 مه نېټه د دفاع او شهيدانو ورځې په موقعه په خپل خصوصي پېغام كښې وكړه۔ صدر مملكت ووئيل مونږ ګران هېواد لپاره د ځانونو قرباني وركوؤنكو او ددوئي كورنيو ته د عقيدت پيرزوينې وړاندې كولو له د ستمبر 6 مه نېټه د دفاع او شهيدانو ورځې په توګه لمانځؤ۔ ده ووئيل 58 كاله وړاندې په ننۍ ورځې زمونږ وسله وال ځواك د ځانګړې مړانې څرګندونه كولو سره دښمن په خپلو ناپاكو ارادو كښې ناكامه كړې وو۔ په دې ورځ د وطن مېړنو ځامنو او لونړو د دښمن په ضد مړانې سره جنګ كولو سره د تاريخ ځلنده باب رقم كړو۔ ده ووئيل نن مونږ دغه شهيدانو ته سلام وړاندې كوؤ كومو چې د هېواد د دفاع په موقعو د خپلو ځانونو قرباني وركړه۔ دې سره سره مونږ د شهيدانو كورنيو ته هم د عقيدت پېرزوينې وړاندې كوؤ كومو چې د خپل هېواد دفاع لپاره د خپلو مينه والو قرباني وركړه۔ ده ووئيل مونږ ته د غازيانو په مړانه هم وياړ دے كومو چې په لاهور ٬ سيالكوټ او نورو سېكټرو د دښمن د بريدونو خله ماتې ځواب وركړو۔ صدر مملكت ووئيل په ننۍ ورځ مونږ امن ته د ودې وركولو او نورو سره د پرامن پاتې كېدو په پالېسۍ عمل كولو له د پاكستان د عزم پخلې كوؤ۔ ده ووئيل مونږ خپلو قومي او نړيوالو ذمه واريو څخه خبر يؤ٬ د ملګرو ملتونو تر بېرغ لاندې په نړۍ كښې امن په ځايې كولو له به خپل كردار ترسره كوؤ۔ ده ووئيل زمونږ خپله سيمه جموں و کشمیر د پخوانۍ مسئلې حل ته سترګې په لار ده۔ په منطقه كښې امن او سولې لپاره به د ملګرو ملتونو د سلامتي كونسل قراردادونو لمخې دا مسئله حل كول وي۔ په دې ننۍ ورځ مونږ د خپلواكۍ حق ترلاسه كولو له د كشميري اولس ٬ مېرمنو او كوچنيانو قربانۍ هم يادؤ۔ ده ووئيل پاکستان به د كشميري اولس د روانو جائز ستړو اخلاقي او سفارتي ملاتړ روان ساتي۔ ده ووئيل د یوم دفاع و شهداء په موقعه مونږ د خپل هېواد د هغه مېړنو ځامنو او لونړو د عزت او تكريم لوړ ساتلو عزم كوؤ كومو چې د ګران هېواد دفاع ٬ پرمختګ او سوكالۍ لپاره د خپلو ځانونو قرباني وركړه۔
