پېنډۍ 25 اګست (اے پي پي) د پاك پوځ مشر جنرال سيد عاصم منير وئيلي دي چې پاكستان د ترهګرۍ په ضد خپل رول لوبوي او نړيواله ورورولۍ بايد د پاكستان لخوا د وركړې شويو بلها قربانيو ادراك وكړي۔ د آئي اېس پي آر له مخې د امريكې د هارورډ يونيورسټۍ بېلا بېلو هېوادونو سره د تعلق لرونكو زده كوٶنكو 38 كسيزه ډلې د پاكستان دورې په مهال د جمعې په ورځ په جي اېچ كيو كښې سرلښكر جنرال سيد عاصم منير سره ملاقات وكړو٬ د تعارفي نشست په مهال سرلښكر د سيمه ايزې سلامتيا په مسئلو او په منطقه كښې د امن او استحكام ودې لپاره د پاك پوځ په كردار رڼا واچوله۔ سرلښكر د پاكستان په بشپړه صلاحيتونو خپلو خبرو كښې زور راوړو چې زده كوٶنكي دې پاكستان كښې د خپلې دورې په مهال د خپلو تجربو په بنياد پاكستان ته وګوري۔ سرلښكر په مقبوضه كشمير كښې په روانو بشري ستونزو ٬ ظلم زياتي او د آبادياتي حقائق بدلولو په هندي عزائمو هم رڼا واچوله۔ په دې موقع زده كوٶنكو په تعميري خبرو اترو د سرلښكر ستائنه وكړه۔
