اسلام آباد 19 مئي (اے پي پي) وزيراعظم محمد شهباز شريف وئيلې دي پاکستان متحده عرب امارت (يو اے اي) سره په بېلو څانګو كښې اړيكې ته پراختيا وركولو له خوښي لري٬ د يو اے سي سرمايه كارو سره به هر ډول ممكنه مرسته كولې شي۔ د وزيراعظم آفس ميډيا وينګ لخوا د جاري بيان له مخې وزيراعظم د دې خيالاتو څرګندونه د متحده عرب امارات د شاهي كورنۍ غړي او د ابوظهبي پورټس چيئرمېن شېخ احمد دلموك المکتوم سره په خبرو كښې كړې چا چې خپل د پلاوي سره د جمعې په ورځ وزيراعظم سره ملاقات كولو٬ د پاکستان او متحده عرب امارات ترمېنځه د ورورولۍ اړيكو ذكر كولو سره وزيراعظم ووئيل پاکستان يو اے اي سره په بېلو څانګو كښې په خاص توګه تجارت او په سرمايه کارۍ كښې د ورورولۍ اړيكو ته لا پراختيا وركولو ته خاص اهميت وركوي۔ وزيراعظم په دې موقع د ابوظهبي پورټس د پاکستان بندرځايونو او د شپنګ په صنعت كښې په سرمايه كارۍ كښې د ژورې خوښۍ لرلو هركلے وكړو۔ شېخ احمد دلموك المکتوم په دې موقع ووئيل پاکستان كښې د متحده عرب امارات سرمايه کارۍ ته د پراختيا وركولو مقصد لپاره په دوو مياشتو كښې زما دا د پاكستان دوېمه دوره ده۔ وزيراعظم باور وركړو چې د متحده عرب امارات سرمايه کارو سره به هر ډول ممكنه حكومتي مرسته كولې شي۔ په دې موقع د خزانې وفاقي وزير اسحاق ډار، د سمندري چارو وزير سيد فېصل علي سبزواري، خاص مرستيال ډاکټر جهانزيب خان، طارق فاطمي او اړوند چارواكي او پاکستان كښې د يو اے اي سفير حماد عبيد ابراهيم سالم الزابي هم موجود ٶ۔(gul/
