اسلام آباد 27 مارچ (اے پي پي) د وزیراعظم د كشمیر او ګلګت بلتستان چارو صلاحكار قمر زمان كائره وئيلي دي د الیكشن كمېشن د اړخه د 8 اكتوبر وركړې شوې نيټه منطقی ده او هېواد كښې استحكام او د اړي ګړې مخ نيوي لپاره دا يوه سمه پريكړه ده ،سپيځلو ټاكنو لپاره په هېواد كښې امن او امان ته اړتيا ده، الیكشن كمېشن هېواد كښې امن راتللو لپاره په يو وخت ټاكني كول غواړي په دې منطق كښې وزن شته، د هېواد مسئلو حل لپاره اجتماعی پوهي او هڅو ته اړتيا ده ، به جذباتی كیفیت كښې پريكړي كول د هېواد لپاره د زيان وړ دي۔د ګل په ورځ خبري كنفرنس ته قمر زمان كائره ووئيل دا مهال په هېواد كښې يو هیجانی كیفیت دے ، هر پلو غم دے او غصه ده اوپه غصه او هیجان كښې مكالمه د غصې ښكار كيږي٬ ده ووئيل پاكستان دا مهال چې د كومو مسئلو سره مخ دے د هغي څخه وېستلو لپاره په انتهائی سوچ پريكړي ضروري دي،نن مونږ ټول په دې هڅه كښې يو چې خپل مخالف لاندي كړو،هم دغه صورتحال په ادارو كښې دننه هم دے او قام كښې ناقلاري زياتيږي۔ده ووئيل د هېواد په دوو صوبو كښې ټاكني ځنډولې شوي٬ په دې هم يوه هله ګوله شوې چې آئین مات شوے ،څوك د آرټیكل 6 خبرې هم كوي۔ده ووئيل مونږ له به حقائق ته كتل وي، قام دې د زړه نه څيزونو ته پام وكړي او سوچ دې وكړي، ده ووئېل زمونږ هڅه وه چې اسمبلۍ خپله موده پوره كړي،لكه څنګه چې دې څخه وړاندې دوو اسمبلیو خپلې مودې پوره كړي خو دا ځل په دې كښې بريالي نه شو او دوه صوبائي اسمبلۍ ماتي كرې شوې ،دې نه پس په 90 ورځو كښې ټاكني كول آئینی قدغن ؤ، ده ووئېل چا سره چې د پنجاب اسمبلۍ ماتولو اختیار ؤ هغه وزیراعلیٰ ؤ چا به چې وئيل زه به اسمبلي نه ماتوم خو عمران خان اسمبلی ماتول غواړي او د اسمبلۍ ماتولو نه پس هم هغه په دغه موقف قائم دے۔ده ووئيل دې څخه ثابته شوه چې وزیراعلیٰ به خپلواكه توګه دا كار نه دې كړے ، ګورنرز ته د نيټې وركولو وئيلي شوي په هغې هم مباحثه شوي او دا معامله سپریم كورټ ته بيا لاړه د چرته نه چې پريكړه راغله او د هغې په رڼا كښې الیكشن كمېشن پنجاب كښې په 30 اپریل د ټاكنو كولو شیډول وركړو ٬ ده ووئېل په دې خبره ځان پوهه كول غواړي چې الیكشن كمېشن پخپله ټاكني نه شي كولې ځكه چې هغوي كومه مشینری نه لري،هغه د يوې لوئې ادارې په توګه ټول نظام مانیټر كوي ،په دې كښې هغوي ته سكیورټی فورسز، عدلیه، د قانون وزارت ، خزانه او د څلورو واړو ادارو څخه معاونت اخستل وي چې پكښې عدلیه د عملې وركولو څخه د معذورۍ څرګندونه كړې ځكه چې د عدلیه نه غير شوو ټاكنو ته عمر له ګوته نيولې كېږي، د خزاني وزارت ورله وړومبے قسط هم جاري كړے ، ده ووئېل الیكشن كمیشن د 50 اربه روپو غوښتنه كړې په هغې د خزاني وزارت وئيلي دي چې دا مهال په خزانه كښې صورتحال د ټولو په وړاندې دے ، آئی ایم ایف سره خبرې روانې دي او دفاع وزارت هم كمېشن خبر كړے چې به 30 اپریل مونږ به زياته شميره تعیناتی نشو كولې ځكه چې په هېواد كښې دا مهال د امن صورتحال د ټولو په وړاندې دے ، قمر زمان كائره ووئېل هېواد كښې نزدې نيم په نيمه پولنګ سټیشن ډېر حساس دي ،پاك پوځ وئيلي دي هېواد كښې د سر شميرې عمل روان دے او زمونږ ډلي د هغوي معاونت كوي ،دغسې په پولنګ سټیشن د پوځ تعیناتي ممكن نه ده او دا سر شمره به تر 30 اپریل روانه وي۔ده ووئيل سپيځلي ټاكني كول د الیكشن كمېشن ذمه واري ده ، الیكشن كمېشن وزیراعظم د دې صورتحال په اړه د خط د لاري خبر كرے او په دې د كابیني غونډه رابللي شوې او وزیراعظم د دې توثیق كړے ، ده ووئېل الیكشن كمېشن د 8 اكتوبر څخه وړاندي نيټه هم وركولې شوه،د 90 ورځو شق پوره كېږي نه ځكه الیكشن كمېشن په هېواد كښې په يو ځائې د ټاكنو كولو نيټه وركړې ده۔
