اسلام آباد 25 اګست (اے پي پي) وزيراعظم شاهد خاقان عباسي هېواد څخه د پوليو ختمولو له د حكومت د عزم پخلي كولو سره وئېلي دي ټول هېواد څخه د پوليو په بشپړه توګه ختمولو له دې هېڅ ډول بې غوري ونه كړی شي۔ده د جمعې په ورځ د پوليو ختمولو په اړه د قامي ټاسك فورس غونډې مشري كوله۔ده ووئيل ټول هېواد كښې دې د پوليو ختمولو په اړه سنجيدګۍ سره كار وكړی شي او د ټول هېواد څخه د دې ناروغۍ ختمولو له دې هېڅ ډول بېغوري ونه كړې شي۔وزيراعظم ووئيل پوله ايزو سيمو كښې د پوليو وائرس موجودګي او به تندۍ خپرېدل د پوليو بشپړه خاتمه يو چېلنج دے خو مونږ په دې قابو موندلو له لوظي يو۔په غونډه كښې د پوليو مخ نيوي پېشرفت په اړه بريفنګ وركولو سره د پوليو ختمولو په اړھ د وزيراعظم فوكل پرسن عائشه رضا فاروق ووئيل په 2014 كښې ټول پاكستان كښې د پوليو 206 كيسونه راپور شوي خو د حكومت پرله پسې هڅو او د نړيوالو شراكتدارو٬صوبائي حكومتونو٬وسله والو ځواكونو او قانون نافذ كونكو ادارو په مرسته د پوليو كيسونه كم شوي دي۔2017 كښې تراوسه د پوليو 3 كيسونه رامخې ته شوي۔دې ووئيل د تېر كمپائن پھ مهال درې كروړه 80 لكه ماشومانو ته د پوليو مخ نيوي څاڅكي وركړی شوي۔غونډې ته وئيلې شول جولائي 2016 څخه تراوسه په فاټا كښې د پوليو كوم كيس نه دې رامخې ته شوې۔د قامي هلت وزيرې سائره افضل تارړ ووئيل په 2013 كښې ايمرجنسي پروګرام پېل كړی شوې و٬كراچۍ٬كوئټه او د بلوچستان كلي والو سيمو پشمول د پوليو ځپليو سيمو ته پام لرنه شوې۔وزيراعظم د پوليو قامي مخ نيوي پروګرام عملدرآمد كښې د صوبائي حكومتونو٬فاټا انتظاميې٬د آزاد جمو كشمير او ګلګت بلتستان حكومتونو كردار وستائېلو۔وزيراعظم زور راوړو چې د معمول له مخې د پوليو مخ نيوي څاڅكو وركولو كمپائن دې ښه كړې شي او وفاقي حكومت د اړخه به بشپړه مرسته باوري كولې شي۔په غونډه كښې د خېبرپښتونخوا ګورنر اقبال ظفرجهګړا٬د سندھ وزيراعلٰی سيد مراد علي شاه٬د آزاد كشمير وزيراعظم٬د ګلګت بلتستان وزيراعلٰی او د پنجاب او بلوچستان نمائندګانو د خپل پروګرام په اړه د عزم څرګندونه وكړه۔په غونډه كښې د ټېكنيكل اېډوائزري ډلې چيئرمېن ډاكټر جين مارك اوليو٬د يونيسف كنټري نمائنده انجيلا كيرني٬د يونيسف ډلې لارښود جان آګبور او د نورو نړيوالو تنظيمونو استازو ګډون كولو۔
