جدہ ۔9جنوری(اے پی پی)د اسلامي مرستې تنظيم (او آئي سي) په عمومي سېكرټرېټ جده كښې یوه بیړنۍ غونډه كیږي په كومه كښې به چې په اولنۍ قبله مسجد الاقصی د اسرائيل د مخ په زياتېدونكو بريدونو صورتحال جاج اخستے شي۔ د سعودي خبر رسنې ادارې د او آئي سي عمومي سېكرټرېټ بيان حوالې سره وئيلي چې د بېړنۍ غونډې پرېكړه په مقبوضه بیت المقدس کښې د اسرائیل د زیاتیدونکی جارحيت او د اقصی جومات د پرله پسې بې حرمتی په تناظر کښې شوې ده۔ په بیان کښې ویل شوي چې په دې وروستیو کښې د اسرائیل د ملي امنیت وزیر ايتمار بن غفير امنیتي ځواکونو سره د اقصی جومات صحن ته ننوتلې وو۔ بلخوا اسرائيل د مسجد اقصی تاريخي او قانوني حېثيت بدلولو له غاصبانه قوت پرله پسې كاروي۔ او آئي سي مسجد اقصی ته امنیتي ځواکونو سره د اسرائیلي وزیر د ننوتلو پېښې كلكه غندنه كړې وه او دا يۍ په ټوله نړۍ کښې د مسلمانانو د احساساتو د پارولو او د اړوندو نړیوالو قوانینو ښکاره خلاف ورزي ګرځولې وه۔
