اسلام آباد 01 دسمبر (اے پی پی)وزيراعظم محمد شهباز شريف وئېلي دي پاكستان شرم الشېخ كنفرنس كښې د آفت څخه د شوي ضائع او زيان تګلاره په موثره توګه رامخې ته كړی چې په نتيجه كښې يې لاس اينډ ډیمیج فنډ جوړېدل ممكن شوے ٬دا يو تاريخي اقدام دے٬ د پاكستان مقدمه موسمياتي انصاف لپاره ده خيرات له نه٬د پرمختګ كړو هېوادونو لخوا ماحولياتي چېلنج قبلول خوشبين دے٬په دې لړ كښې به شوو لوظونو ته عملي شكل وركول ضروري وي۔ده شرم الشېخ كښې د شوي كاپ 27 كنفرنس په مهال د پاكستان په كاميابې موسمياتي سفارتكارۍ اړوندو ادارو او د نړيوالو شراكتدارو هڅې ستائېلو لپاره د زيارت په ورځ راجوړې كړی دستورې ته وېنا كوله۔وزيراعظم شهباز شريف ووئيل پاكستان ته د اوسني سېلاب له امله ډېر زيان رسېدلے ٬ 33 ملين خلق ځپلې شوي٬ 1800 مرګونه شوي او د كركيلې٬د صنعت٬لائيو سټاك٬انفراسټركچر پشمول د 30 ارب ډالرو زيان اندازه لګولې شوې ۔ده ووئيل د پاكستان سېلاب ځپليو مرسته كوونكو ټولو هېوادونو مننه كوو۔په دې سخت وخت كښې به دا مرسته تل لپاره ياده ساتلې شي۔وزيراعظم ووئيل د پاكستان دننه هم شتمندو خلقو او د خېرښېګړې ادارو د ځپليو د زړه نه مرسته كړې دغسې ټولو صوبائي حكومتونو په خاص توګه سندھ او بلوچستان حكومتونو د ځپليو بشپړه مرسته كړې۔ده د نېشنل ډيزاسټر منيجمنټ اتهارټي او د ډيزاسټر منيجمنټ صوبائي ادارو هڅې هم وستائېلې۔ده ووئيل خارجه وزير بلاول بهټو زرداري٬د موسمياتي بدلون وفاقي وزيرې شيري رحمان٬ او د اطلاعات او خپرونو وفاقي وزيرې مريم اورنګزېب په كاپ 27 نړيوال فورم د پاكستان دريځ په رامخې ته كولو كښې بشپړ كردار ترسره كړے۔ وزيراعظم شهباز شريف ووئيل د موسمياتي بدلون له امله په پاكستان كښې تباهي راغلې حالانكه د موسمياتي بدلونونو سبب جوړېدونكو ګازونو په اخراج كښې د پاكستان برخه د يو فيصد څخه هم لږه ده٬زمونږ خواهش او دعا ده چې څه په پاكستان كښې شوي هغه په كوم بل هېواد كښې ونه شي خو دا تلخ حقيقت دے چې د موسمياتي بدلونونو اثرات او د دې په نتيجه كښې رامخې ته شوي آفتونه د پولو بندېزونه نه لري۔وزيراعظم محمد شهباز شريف ووئيل دا په وړومبي ځل داسې وشو چې د پاكستان غږ په نړيواله كچه اورېدلېےشوے او د هڅو په سبب لاس اينډ ډیمج فنډ جوړېدل ممكن شوے ٬ په دې اړه د خارجه وزير بلاول بهټو زرداري او د ماحولياتي بدلون وفاقي وزيرې سېنېټرې شيري رحمان كردار د قدر وړ دے۔په دې موقع وزيراعظم په شرم الشېخ كنفرنس كښې په كاميابه سفارتكارۍ د اړوندو وزارتونو او چارواكو هڅې وستائېلې۔د دې څخه وړاندې دستورې ته د وېنا كولو سره د موسمياتي بدلون وفاقي وزيرې شيري رحمان ووئيل كوپ 27 كښې په كاميابه سفارتكارۍ د ټولو سټيك هولډرز مننه كوو٬د وزيراعظم په مشرۍ او لارښونه كښې دا هر څه ممكن شوي۔دې ووئيل د اوسنو بارانونو او سېلاب له امله پاكستان ته ډېر زيان رسېدلے ٬د مومسياتي بدلون اثرات ښكار هېوادونه د پرمختګ كړو هېوادونو څخه مرسته غواړي۔دې ووئيل باكستان په لاس اينډ ډيميج فنډ په جوړولو كښې ځانګړی كردار ادا كړے۔لاس اينډ ډيميج ايجنډا د 30 كلونو څخه راروانه وه كومه چې اوس بشپړه شوې۔دې ووئيل د سېلاب ځپليو مرستې سره سره د بحالۍ او بيا رغونې ضروريات پوره كولو لپاره د فنډز ضرورت دے۔وفاقي وزيرې د كلائميټ جسټس مقصد لپاره د ملګرو ملتونو سېكرټري جنرل كردار هم وستائېلو۔په دې موقع دوهمې خارجه وزيرې حنا رباني كهر ووئيل كاپ 27 تاريخي كنفرنس ؤ چې پكښې د دريو لسيزو څخه د تعطل ښكار لاس اينډ ډيميج فنډ جوړیدل عملي شوے ۔دې ووئيل دا فنډ به د پاكستان پشان پرمختګ كوونكو هېوادونو لپاره مرستياله ثابت شي٬د فنډ جوړېدو څخه به د نړيوال شمال او جنوب ترمينځه په تجارتي خساره قابو موندلو له مرسته ترلاسه شي۔دې ووئيل د پاكستان وزيراعظم او خارجه وزير په كاپ 27 كښې په بشپړه ډول ګډون او مهم كردار ادا كړے ٬وزيراعظم په كنفرنس كښې په پاكستان كښې د سېلاب تباهي په موثر ډول رامخې ته كړې٬وزيراعظم او خارجه وزير لاس اينډ ډيميج فنډ قيام په اړه مهم كردار ادا كړے۔دې ووئيل خارجه وزير د كنفرنس څخه وړاندې د كنفرنس په مهال د ځينو هېوادونو مشرانو سره ملاقاتونه كړي ٬هغه جي 77 او د چين سره پرله پسې په رابطه كښې پاتې شوے ٬د سياسي هم آهنګۍ او ټيم ورك د لارې مونږ دا اهداف سر كړي۔په دې موقع ګډون كوونكو ته د موسمياتي بدلون وزارت لخوا په پاكستان كښې د سېلاب څخه د شوې تباهۍ٬د مرستې هلو ځلو٬د وزيراعظم٬ د ملګرو ملتونو سېكرټري جنرل او د وفاقي كابينې د سېلاب ځپليو سيمو دورو په اړه ډاكومنټري هم وښودلې شوه
