اسلام آباد۔29نومبر(اے پی پی) د اطلاعاتو او خپرونو وفاقي وزيرې مريم اورنګزېب پاكستان ته په راتللو د انګلېنډ کرکټ لوبډلې هرکلې کړې او ويلي يې دي چې په پاکستان کښې د کرکټ جنون دے ٬ ټولې نړۍ ته معلومه ده چې د پاکستان خلک کرکټ سره څومره زياته مينه لري۔ دې دا خبره تيره ورځ د برطانيې هائي كمشنر كرسچن ټرنر لخوا د پاكستان او انګلستان كركټ لوبډلو په درناوي كښې وركړې شوې د ماسخوتن مېلمستيا دستوره كښې وكړه۔ د مېلمستيا په دستوره كښې د انګلېنډ كركټ لوبډلې مشر بین اسټوکس او د پاكستان كركټ لوبډلې مشر بابر اعظم د اطلاعاتو وفاقي وزيرې مريم اورنګزېب سره ملاقات وكړو۔ په دې مهال خپلو خبرو كښې مريم اورنګزېب ووئيل د پاكستان او انګلېنډ ترمينځه 17 كاله پس په تاريخي سيريز پاكستانې اولس زيات خوشحاله دے۔ دې ووئيل پاكستان نړيوال كركټ لپاره غوره او محفوظ ځائې دې ٬ حكومت د انګلېنډ كركټ لوبډلې ته بشپړ امنيت وركوي۔ وفاقی وزیرې په دې وروستيو كښې په ټي ټونټي ورلډ كپ كښې د پاكستان او انګېنډ لوبډلو غوره كاركردګي وستائله۔ په دې موقعه د برطانيې كركټ لوبډلې اسټوكس په زړه پورې مېلمستيا د پاكستاني اولس مننه كولو سره ووئيل د پاكستان حكومت امنيت لپاره د اطمينان وړ انتظامات كړې دي۔ ده ووئيل مونږ هيله لرؤ چې يوه ښه لوبه وړاندې كړؤ۔ د پاكستانۍ كركټ لوبډلې مشر بابر اعظم د انګلېنډ لوبډلې ته هركلې ووې او غوره لوبه وړاندې كولو له يۍ د خپل عزم څرګندونه وكړه۔
