اسلام آباد۔4اکتوبر(اے پی پی) صدر ډاكټر عارف علوي وزيراعظم ٬ وزيرانو ٬ پارليماني غړو ٬ ګورنرانو او ميډيا ته د استولې شوو خطونو د لارې د سينې سرطان كېسونو په اړه د خبرتيا كمپائن كښې د فعاله ګډون بلنه وركړې ده ٬ صدر دوي ته د دې ناوړه رنځ په خپله مېرمنو ته د معائنې او د زر تر زره تشخيص اهميت په ډاګه كولو كښې د مرستې اپيل كړے۔ صدر مملكت په دې خبره اندېښنه ښكاره كړه چې په پاكستان كښې هر كال د كېنسر نزدې 100 زره نوې كېسونه رامخې ته كېږي په كومو كښې چې د نيمې نه زياتې مېرمنې په تشخيص كښې د وروستوالي د لاسه د مرګ خلې ته ځي۔ ده ووئيل په دې قيمتي ځانونو كښې 98 فيصده په خپله د معائنې كولو او د دې رنځ د زر تشخيص كولو په اړه د شعور بېدارولو او پوهې پېدا كولو د لارې بچ كېدې شي۔ صدر ووئيل د اولنې مېرمنې بېګم ثمينه عارف علوي په مشرۍ كښې د تېرو څلورو كالو څخه د برېسټ كېنسر آګاهي كمپائن په نتيجه كښې په روغتونونو كښې د سينې سرطان كېسونو ابتدائي رپورټنګ كښې زياتوالې رامخې ته شوے۔ ده په ميډيا پرسنز زور راوړو چې هغوي د روان كال په مهال هم خپل فعاله كردار ترسره كړي دغسې چې د نیوز بلېټنز، خصوصی راپورونو ، ډرامو، مارننګ شوز، مقالو ، کالمونو او اداريو د لارې د دې رنځ په خپله د معائنې كولو او د دې زر تر زره د تشخيص كولو په اړه اولسي شعور بېدار كړے شي۔ ده ووئيل د روان كال خبرتيا كمپائن كښې به په كلي والو او په خاص توګه سېلاب ځپليو سيمو كښې د مېرمنو د خوراك حاجت ترسره كېدو اهميت په ډاګه كولې شي۔ صدر د دې دستورو ودې لپاره د ميډيا په اهميت هم زور راوړو۔ دا خبره دې ښكاره وي اكتوبر د سينې سرطان په اړه د اولسي شعور بېدارولو او خبرتيا مياشت ده۔ په دې مهال د سينې سرطان د اغېزو ٬ دې څخه بچ كېدو ٬ زر تشخيص او د دې درملنې په اړه خبرتيا رامخې ته كولې شي
