اسلام آباد 29 ستمبر (اے پي پي) وزیراعظم شهباز شریف د مریم نواز شریف او د کیپټن (ر) صفدر د سزګانو په كالعدم ګرځېدو د تشكر څرګندونه كولو سره وئيلي دي د سياسي انتقام يو تاريك دور خپل انجام ته ورسېد او بې ګناه بري شول، عدالتي پرېكړې څخه د دروغو٬ بهتان او د كردار كشۍ ماڼې دړې وړې شوه، هيله لرم چې زما د قائد نوازشريف په ضد د جج ارواښاد ارشد ملك په ګواهۍ به د انصاف تقاضې ترسره كړې شي۔ د زيارت په ورځ خپل ټويټ كښې وزيراعظم ووئيل زه د مريم نواز په بري كېدو قائد نواز شريف له مباركي وركوم۔ ده ووئيل د لوي څښتن مننه كوٶ چې لور مريم او زوي صفدر ته آخر انصاف تر لاسه شو۔ ده ووئيل مريم نواز شريف او کيپټن (ر) صفدر په بهادرۍ، صبر او ثابت قدمۍ سره د سختو حالاتو مقابله كړې٬ عدالتي پرېكړې څخه د دروغو٬ د بهتان او د كردار كشۍ ماڼۍ دړې وړې شوې۔ وزيراعظم ووئيل په ايون فيلډ ريفرنس كښې د مريم نواز بري كېدل د تش په نامه د احتساب په مخ څپېړه ده٬ د كومې د لارې چې شريفه كورنۍ په نخښه كړې شوې، د عدالت لخوا په بري كېدو مريم او صفدر له مباركي وركوم
