اسلام آباد 26 ستمبر (اے پي پي) د قامي اسمبلۍ سپيكر راجه پروېز اشرف سره د ارجنټائن سفير ليوپولوډوساهورس په پارليمنټ هاؤس كښې ليدلې دي۔د ملاقات په مهال د دوه اړخيزه پارليماني اړيكو پشمول د شريكې خوښې په چارو د خيالاتو څرګندونه شوې۔د قامي اسمبلۍ سپيكر ووئيل پاكستان ارجنټائن سره خپلو اړيكو ته ډېر اهميت وركوي۔ده ووئيل د پاكستان په قامي اسمبلۍ كښې پاكستان-ارجنټائن پارليماني فرېنډ شپ ډله د دواړو هېوادونو ترمينځه د مستحكمه پارليماني اړيكو عكاسي كوي۔سپيكر ووئيل د بين الپارليماني يونين(آئي پي يو)راتلونكې غونډه به په جورونډا كښې كېږي ٬ په پاكستان كښې به د موسمياتي بدلون په سبب د سېلاب تباهۍ په اړه ايمرجنسي قرارداد وړاندې كولې شي۔د ارجنټائن سفير لیو پولوډو ساهورس ووئيل ارجنټائن هم پاكستان سره خپلو اړيكو ته ډېر اهميت وركوي او د شريكو معاشي او پارليماني اړيكو لا پراخه كولو خوښي لري۔ده د دواړو هېوادونو ترمينځه په پارليماني اړيكو كښې د اضافې د عزم پخلے وكړو او د پارليمنټري پلاويو د تبادلو په ضرورت يې زور راوړو۔ده د موسمياتي بدلون بحران پشمول په نورو چېلنجونو قابو موندلو كښې پاكستان ته د خپل حكومت لخوا د هر ممكنه مرستې باور وركړو۔ده د سېلاب په مهال په لويه پېمانه په ځاني او مالي زيان د افسوس څرګندونه هم وكړه
