د حکومت او اپوزيشن په يو ځاے ناستې لپاره هڅې كوم۔ د صدر ډاكټر عارف علوي نجي ټي وي چېنل سره مركه

اسلام آباد 22 ستمبر (اے پي پي) صدر ډاکټر عارف علوي وئيلي دي مېنځنۍ لاره به ټولو لپاره ګتوره وي٬ د حکومت او اپوزيشن په يو ځاے ناستې لپاره هڅې كوم۔ دا خبرې ده د زيارت په ورځ نجي ټي وي چېنل سره خپلې مركه كښې وكړې۔ ده ووئيل هېواد لويو چېلنجونو سره مخ دے٬ سمدستي ټاكنې ښه تجويز دے، كه نن هم د ټاكنو اعلان وكړے شي نو په دې كښې به كم از كم درې مياشتې لګي۔ ده ووئيل په هېواد كښې د سپېځلو ټاكنو لپاره د اي وي اېم كردار مهم دے، حکومت او اپوزيشن له په انتخابات او معيشت خبره پكار ده٬ مخكښې مې هم وئيلي وٶ او بيا هم وائيم چې د مېنځ لاره راوباسې ټولو لپاره به ګټوره وي٬ ده ووئيل په آئيني دائره كښې پاتې كېدو سره چې كوم كار وكړے شي نو دې سره به هم ګټه تر لاسه شي۔ ده ووئيل سمندر پورې پاكستانيانو له د ووټ معامله په كال 2008 كښې عدالت ته وړاندې شوې، په اوورسيز پاکستانيانو كښې تر ټولو زيات مزدوران دي۔ ده ووئيل ډېره د افسوس خبره ده چې په سياست كښې د مذهب كارډ استعمالېږي