اسلام آباد 22 اګست (اے پي پي)د خزانې او محصولات وزير مملكت ډاكټر عائشه غوث پاشا وئېلي دي حكومت د جامع اقدامات د لارې معيشت د ديواليه كېدو خطرو څخه محفوظ كړے٬د روپۍ په قدر كښې اضافه كېږي او درآمدات مخ په كمېدو دے۔د انساني او اقتصادي سلامتيا نه بغېر د قامي سلامتيا تصور نيمګړے دے۔هغې دا خبرې د ګل په ورځ په انسټي ټيوټ آف سټريټجك سټډيز كښې “د پاكستان اقتصادي سلامتيا—چېلنجونه او لائحه عمل”په موضوع د خاص رپورټ د اجرا په موقع په خپله وېنا كښې وكړې۔وزيرمملكت ډاكټر عائشه غوث پاشا ووئيل په اوسني وخت كښې د اقتصادي او انساني سلامتيا نه بغېر د قامي سلامتيا تصور نيمګړے دے٬بايد اقتصادي سلامتيا لپاره بهرنۍ ادائيګۍ لپاره قوي بنيادونه وي ځكه چې د هر يو هېواد په پرمختګ او خوشحالۍ كښې اقتصادي سلامتيا كليدي كردار لري۔وزير مملكت ووئيل سماجي اشاريې د اقتصادي سلامتيا ټاكنه كوي۔انساني او اقتصادي پرمختګ لپاره د ټولنې د كم آمدن او محرومه طبقې مخ په وړاندې بوتلل ضروري دي
