اسلام آباد 15 اګست (اے پي پي)د مذهبي چارو وفاقي وزير مفتي عبدالشكور وئېلي دي د مذهبي چارو وزارت به د حج سبسډۍ په مد كښې هر يو حاجي ته يو نيم لك روپۍ د اګست د 17مې نېټې نه تر 31 اګست وركوي٬د سركاري سكيم ټولو 34049 حاجيانو ته به د 5 اربه 10 كروړه 73 لكه 50 زرو روپو رقم وركولې شي۔د حج آپرېشن 2022 ترسره كېدو نه پس د ګل په ورځ د مذهبي چارو په وزارت كښې د مذهبي چارو وفاقي وزير مفتي عبدالشكور خبري كنفرنس ته په خپله وېنا كښې ووئيل حج 2022 انتظامات په ښه ډول پاې ته رسېدلي په دې مونږ د لوي څښتن شكر كوو٬د مذهبي چارو وزارت په لنډه موده كښې ټول د حج انتظامات ممكن كړي۔ده ووئيل د روپۍ په قدر كښې د كمي په وجه د سعودي او پاكستان معيشت هم ستونزو سره مخ دے٬لازمي حج اخراجات 7 زره رياله ته رسېدلي٬مونږ د حج پېكج اندازه 9 لكه 49 زره لګولې وه خو بيا مونږ په دې نظرثاني وكړه۔ده ووئيل د اسلام آباد هوائي اډې څخه د 15 زرو نه زياتو حاجيانو ته د روډ ټو مكه آسانۍ وركړې شوې۔ده ووئيل د مذهبي چارو وزارت به د حج سبسډۍ په مد كښې هر يو حاجي ته د يو نيم لك روپو رقم د اګست د 17مې نېټې تر 31 اګست وركوي٬دغسې د سركاري سكيم ټولو 34049 حاجيانو ته به د 5 اربه 10 كروړه 73 لكه 50 زرو روپو رقم وركولې شي
