پېنډي 15 اګست (اے پي پي)امنيتي ځواكونو د شمالي وزيرستان په مير علي سيمه كښې په استخباراتي اطلاعات د اپرېشن په مهال يو ترهه ګر وژلے دے۔د آئي اېس پي آر له مخې امنيتي ځواكونو د شمالي وزيرستان په مير علي سيمه كښې د خفيه اطلاعات په بنياد عمليات كړي ۔په دې مهال د امنيتي ځواكونو او ترهه ګرو ترمينځه د ډزو سخته تبادله وشوه او په نتيجه كښې يې يو ترهه ګر ووژل شو۔د وژلے شوي ترهه ګر څخه وسله او چاودېدونكي توكي هم ترلاسه شوي۔وژلے شوے ترهه ګر د امنيتي ځواكونو په ضد د ترهه ګرۍ په كاروائيو او د معصومو وګړو په وژنه كښې ككړ ؤ ۔هغه په شمالي وزيرستان كښې د قاري سميع په هدفي وژنه كښې هم ككړ ؤ ۔د سيمې ځايې خلقو د عملياتو ستائنه كړی او سيمه د ترهه ګرۍ د لعنت څخه پاكولو لپاره ئې د بشپړه مرستې څرګندونه كړې۔
