اسلام آباد 14 اګست (اے پي پي) وزيراعظم محمد شهباز شريف د اتوار په ورځ د جشن آزادۍ په موقع په اسلام آباد كښې د راول چوك فلائي اوور پرانسته وكړه۔ په دې موقع وزيراعظم ته د منصوبې پحقله بريفنګ وركړې شو۔ په دې موقع د مسلم ليګ نون غړي حنيف عباسي، ډاكټر طارق فضل چوهدري، ملك ابرار، طاهره اورنګزېب، طارق فاطمي، د سي ډي اے، اېف ډبليو او د نورو څانګو لوړ پوري هم موجود وو۔ دې منصوبې څخه به د پېنډۍ او اسلام آباد وګړي مستفيد شي او د ټرافېك په روان ساتلو كښې به آسانۍ پېدا شي۔ وزيراعظم ته د سي ډي اے چئيرمېن ووئيل د اورنج لائن بسونو شمېره په پېل كښې 15 وه او اوس 35 ته رسولې شوې ده۔ د وزيراعظم په امر د مېټرو بسونو شمېره كښې 20 بسونه زيات كړې شوي دي او اوس د بسونو د درې نور سروسز هم پېل كېدونكې دي چې پكښې يو سروس د ترامړي څخه آبپاره ته د پارك روډ دلارې٬ د واه كېنټ اېن 5 او د كهنه څخه نېلور شامل دي٬ د راول روډ فلائي كار بشپړ كړے شوے دے٬ دوه مخيزه انډر پاس به د 20 نه تر 25 ورځو بشپړ كړے شي٬ د سي ډي اے د استوګنې په منصوبو هم په تندۍ سره عمل كوٶ، د بھاره كهو بائي پاس جوړول به د ستمبر په وړومبۍ اوونۍ كښې اېف ډبليو او پېل وكړي
