اسلام آباد 13 اګست (اے پي پي) وزيراعظم شهباز شريف د بلوچستان په قلعه عبدالله ضلع كښې د اوسنيو بارانونو او سېلاب په نتيجه كښې په ځاني او مالي زيان خواشيني ښودلې. د وزيراعظم دفتر لخوا د مېډيا څانګې لخوا جاري شوي بيان له مخې وزيراعظم اېن ډي اېم اے ، پي ډي اېم اے او د بلوچستان حكومت ته د مرستې چارو ګړندې كولو هدايت كړے. وزيراعظم په سمدستي توګه د سېلاب ځپيلو سيمو په اړه د رپورټ وړاندې كولو هدايت كړے. وزيراعظم په سېلاب كښې د دوه بندونو ماتېدو او د زيان مكمل اندازې نه پس د رپورټ وړاندې كولو هدايات جاري كړي دي. وزيراعظم ووئيل چې هغه به ډېر زر د قلعه عبدالله د سېلاب ځپليو سيمو دوره وكړي. ده هدايت وكړو چې په سېلاب كښې د ګېر شوي خلق دې په ترجيحي بنيادونو محفوظ ځايونو ته منتقل كړل شي. وزيراعظم ووئيل چې د سېلاب ځپليو استوګنې لپاره دې خېمې او د خوراك څښاك د څيزونو په سمدستي توګه انتظام باوري كړے شي.
