اسلام آباد 13 اګست (اے پي پي) د ماحولياتي بدلون وفاقي وزيرې شېري رحمان وئيلي دي چې بايد حياتياتي تحفظ لپاره ټولنه خپل مثبت كردار ترسره كړي، د نړيوالو ماحولياتي بدلونونو په وجه د پاكستان پشمول د نړۍ نور هېوادونه نېغ په نېغه ځپلي شوي دي، اسلام آباد د نړۍ هغه يواځنې پايه تخت كوم چې ډېر لوي نېشنل پارك سره نزدې دے، په نېشنل پارك كښې متنوع حياتيات ته تحفظ وركولې شي، دلته د پېړو پخوانې ونې دي. د پاكستان ډائمنډ جوبلي په لړ كښې په ټرېل 5 د ماحولياتي بدلون وفاقي وزيرې لخوا د صفائې كمپائن پېل كړے شوے ، په دې لړ كښې يوه دستوره وشوه چې پكښې وفاقي وزيره شېري رحمان خاص مېلمنه وه. په لاريون كښې په لويه شمېره خلقو او د سكولونو ماشومانو ګډون وكړو. وفاقي وزيرې ووئيل چې د اشرف المخلوقات په توګه دا زمونږ ذمه واري ده چې مونږ نور حياتيات ته تحفظ وركړو دا نه چې قېد ئې كړو او ښكار ئې وكړو. د ماحولياتي بدلون په اړه وفاقي وزيرې ووئيل چې په پاكستان كښې د مون سون په وجه د بلوچستان او خېبر پښتونخوا پشمول د هېواد په نورو برخو كښې د بارانونو په وجه لوي زيان شوے او د دې ازالې لپاره وفاقي او صوبائي حكومتونه هڅې كوي. د دستورې په پاې كښې وفاقي وزيرې شېري رحمان ګډون كوونكو او والنټيئرز ته اسناد وركړل او ماشومانو سره ئې د مارګله هلز د صفائي كمپائن پېل كړو.
