اسلام آباد11اګست (اے پي پي) د اطلاعات او خپرونو وفاقي وزيرې مريم اورنګزېب وئيلي دي عمران خانپه شرم وړ او زهرجنه لوبه كولو د فارن فنډنګ خپل كېس څخه ج خلقو د نظر اخوا كولو هڅه كوي٬ د شهيدانو په ضد د شرم وړ كمپائن په چلولو د توشه خانه او فارن فنډنګ څخه د اولس پام نشي ګرځېدے، فارن فنډنګ د هېواد دفاع كمزورې كولو لپاره استعمال شوے٬ فارن اېجنټ عمران خان پنځه كاله ناسمې حلف نامې جمع كړې٬ اېف آئي اے د فارن فنډنګ د استعمال پلټنې كوي۔ دزيارت په ورځ پرېس كنفرنس ته خپلې وېنا كښې مريم اورنګزېب ووئيل څلور كاله په دې هېواد نالائق او نااهل وزيراعظم مسلط ٶ چا چې هېواد لوټ كړے او اولس ئې بې روزګار كړے۔ دې ووئيل عمران خان فارن ايجنټ او د فارن ايډډ پارټۍ چيئرمېن دے چا چې فارن فنډنګ اغستے، د 2008 نه تر كال 2013 د اخستې شوي ممنوعه فنډنګ پحقله د الېكشن كمېشن په پرېكړه كښې پي ټي آئي فارن ايډډ پارټي ډيکليئر شوې ،دې ووئېل د اليکشن کميشن پرېكړې له مخې عمران خان تر پنځو كالو جعلي بيان حلفي جمع كولې٬ ھغه د 351 فارن کمپنو او د 34 غير ملکيانو نه فنډ اخستے ، په پاکستان كښې هم د کمپنو نه ئې ممنوعه فنډنګ تر لاسه كړے او دا فنډنګ ئې په الېكشن كمېشن كښې نه دې ډكليئر كړے۔ دې ووئيل عمران خان د چورلكې پېښې د شهيدانو په ضد د خپل ټرولرز د لارې په سوشل ميډيا كمپائن چلولے ٬ كله چې ده له ځواب وركول وي نو دغسې ډول حركتونه كوي۔ د اطلاعاتوزيرې ووئيل د عمران خان چيف آف سټاف په اے آر وائي ھغهټرانسکرپټ لوستے كوم چې عمران خان ليكلے ٶ، په دغهټرانسکرپټكښې رېډ لائن کراس شوے، دوي د پاكستانو ځواكونو بغاٶت ته د لمسولو منصوبه لرله٬وفاقي وزيرې ووئېل شهباز ګل وئيلي دي چې د لانس نائيك نه تر بريګيډيئر تعلق تحريك انصاف سره دے٬ دوي ئې سياست سره تړلي او دوي ته ئې د هائي كمان د احكامات نه د بغاٶت كال وركړے، تر 15 دقيقو د كومې دمې نه غېر دا پېپر په اے آر وائي چلېدو۔دې ووئيل عمران خان د دې ټولو څيزونو نه پام اخوا كولو لپاره پرون دوه بېرغونو په ناسته دروغ وئيل، عمران خان ته معلومه ده چې ھغه د فارن اېجنټ په حېث نيولے شوے۔ دې ووئيل عمران خان چيريټي فنډ تر لاسه كولو او ھغه سياسي مقاصدو لپاره كارولو٬ په ممنوعه فنډنګ كېس كښې د پي ټي آئي سېكرټرېټ څلورو ملازمانو طاهر اقبال، محمد ارشد، نعمان افضل او محمد رفيق خپل بيان قلمبد كړے٬ وفاقي وزيرې ووئيل د فارن فنډنګ په نيولو عمران خان په هېواد كښې فتنه، فساد او اړے ګړے راپېدا كول او د ادارو ترمېنځه د بېلتون پېدا كولو هڅې كوي٬ عمران خان د دې ناوړه حركتونو د لارې د فارن فنډنګ كېس څخه د خلقو پام نشي اخوا كولے۔ دې ووئيل عمران خان خپله موازنه نواز شريف سره څنګه كولې شي٬ ھغه هېواد اتومي قوت جوړ كړے٬ سي پېك ئې وركړے، د هېواد دفاع ئې قوي كړې٬نواز شريف د عمران خان غوندې د پاكستان ځواكونه په بغاٶت نه دي لمسولي ٬ دې ووئېل نواز شريف په پاكستان جوړٶنكو كښې شامل دے٬ ھغه په هېواد كښې د آئين د پالنې نعره وهي، ووټ ته عزت وركړئ نعره ئې وهلي او عمران خان ادارو ته وئيلي چې تاسو نيوټرل نشې پاتې كېدے۔ وفاقي وزيرې ووئيل څلور كاله د عمران خان حكومت ٶ٬ ھغه په نواز شريف، شهباز شريف، د مسلم ليګ (ن) په مشرانو، د اپوزيشن په مېندو خوئېندو ناسم كېسونه جوړ كړي٬ د نېب چيئرمېن کمپرومائز كړے، دې ووئېل طيبه ګل په وزيراعظم هاٶس كښې د اغواء كولو نه پس ساتلې شوې٬ ھغې د نېب چيئرمېن په ضد ثبوت وركړے او دغسې د نېب چيئرمېن کمپرومائز كولو سره عمران نيازي سره ليدلي وو۔ دې ووئيل په كال 2018 كښې عمران خاند خپلې منصوبې سره په هېواد كښې فتنه او كركه خپره كړې، د نالائقې، نااهلې،غلا، شوكې، کرپشن سره ئېاختيارات ناجائز استعمال كړي۔ د يوې پوښتنې په ځواب دې ووئيل شهباز ګل خپلو بيانونو كښې ټول ثبوت وركړر۔ د يوې پوښتنې په ځواب دې ووئيل شهباز شريف شپه او ورځ د هېواد او قام مسئلو او ستونزو كمولو لپاره هڅې كوي، هره ورځ د معاشي صورتحال جاج اخستلے كېږي، د ډالر بيعه هم په كمېدو ده٬ دا مهال ټولې معاشي پاليسۍ په سم لوري روانې دي٬ اولس سره شوي ټول لوظونه به ترسره كوٶ
