اسلام آباد 05 اګست (اے پي پي)د آزاد جمو كشمير صدر بېرسټر سلطان محمود چوهدري وئيلې دي په 5 اګست 2019 هند د مقبوضه كشمير خصوصي حېثيت ختم كړے٬ د دې مقصد د كشمير مسئله ختمول وو خو هند په دې كښې مكمل ناكامه شوے٬مودي د هندوتوا په ايجنډا عمل كړے٬ د مودي ناوړه څيره نړۍ ته په ډاګه شوې٬د كشمير مسئله د وړاندې څخه زياته رامخې ته شوې٬په ټوله نړۍ كښې د كشمير مسئله رامخې ته كولو له ما بشپړه هڅې كړي او اوس هم كوم٬د اګست پنځمې نېټ نه پس هند د مقبوضه كشمير ډيمو ګرافي بدلوي٬هند تراوسه 42 لكه څخه زيات جعلي ډوميسائل جوړ كړي٬د هند هڅه ده چې په مقبوضه كشمير كښې هندو وزيراعلٰی جوړ كړي خو ناكامي به د هغوي مقدر جوړیږي٬په نننۍ ورځ مونږ د آزادۍ په هلو ځلو كښې كشميري اولس ته باور وركوو چې پاكستان او آزاد كشمير او په نړۍ كښې ټول مېشته پاكستانيان او كشميريان د هغوي په شا ولاړ دي٬هند د مقبوضه كشمير اكانومي كنټرول كوي٬كشميري مشران او وركرز نيولې شوي٬بې شمېره مشران بنديوان دي٬د هند د ظلم لړۍ لا زياتېږي۔د دې خيالاتو څرګندونه ده د جمعې په ورځ په كشمير هاؤس اسلام آباد كښې د كشمير استحصال ورځې په اړه پرېس كنفرنس ته د وېنا كولو په مهال وكړه۔په دې موقع وزيران چوهدري اخلاق او چوهدري مقبول هم موجود وو۔د آزاد جمو كشمير صدر بېرسټر سلطان محمود چوهدري ووئيل زمونږ هڅه ده چې په ملګرو ملتونو كښې د هند ظلم په ډاګه شي٬ما بهر هېوادونو كښې مېشته كشميريانو سره په ګډه په بېلو هېوادونو كښې احتجاجي مظاهرو كښې د كشمير مسئله رامخې ته كړې٬ ده ووئېل زمونږ سياسي اختلاف په خپل ځاې خو د كشمير په مسئله مونږ د آزاد كشمير ټول سياسي مشرتابه يو يو۔ ده ووئېل د هند د اګست 5مې نېټې اقدامات ته په نړيواله ورورولۍ كښې ډاډګيرنه نه ده ترلاسه شوې ٬ هغوي د كشمير مسئله ختمول غوښتل خو په دې كښې هغوي ناكامه شوي۔ده ووئيل په ټوله نړۍ كښې د كشمير مسئله رامخې ته كولو او په كشميريانو د هندي ځواكونو د ظلم غندنې لپاره مظاهرې شوي٬د اروپا پارليمان په وړاندې په برسلز كښې٬برټش پارليمان كښې د برتانيې پارليمان غړو ته وېنا او په برتانيه او اروپا كښې مظاهرې شوي او د نړۍ پام د مقبوضه كشمير سنګين صورتحال پلو راګرځولېے شوے ۔ ده ووئېل د آزاد كشمير سياسي ګوندونو غونډه كښې دا پريكړه شوې وه چې يوه ذيلي كمېټي به جوړولې شي كومه به چې د پاكستان ټول سياسي ګوندونه د كشمير په مسئله په باور كښې واخلي۔ده ووئيل د مشعال ملك سره هم پرېس كنفرنس كښې چې پكښې زما دا غوښتنه وه چې د ياسين ملك سزا په ضد د انصاف نړيوال عدالت ته تلل پكار دي۔د آزاد جمو كشمير صدر ووئيل د 15م بدلون په اړه د آزاد كشمير فنانشل او ايګزېكټو په معاملات كومه خبره نشي كېدې۔د يوې پوښتنې په ځواب كښې ده ووئيل تراوسه هند 42 لكه جعلي ډوميسائل جوړې كړي ٬ مونږ دا مسئله پورته كوو ځكه چې نړيواله ورورولي په دې غلې ده ځكه مونږ له به په دې معامله په نړيواله كچه به جارحانه انداز خبره كول وي
