لاهور 24 جولائي (اے پي پي) وزيراعظم شهباز شريف د دې هيلې څرګنده كړې ده چې د اېس سي او ټول غړي هېوادونه به امن، نړيوال يووالي او مرسته زياتولو لپاره په ګډه كار روان ساتي، د اېس سي او غړو هېوادونو ترمېنځه تجارت سره سره د پرمختيائي اهدافو ودې لپاره د مناسب فنډنګ لائحه عمل ضرورت دے. د وزيراعظم دفتر د مېډيا څانګې لخوا جاري شوې خبرپاڼې له مخې وزيراعظم محمد شهباز شريف سره د شنګهائي مرستې تنظيم ﴿اېس سي او﴾ سېكرټري جنرل اېمبېسډر ژانګ منګ د اتوار په ورځ ملاقات وكړو. وزيراعظم په مهمو ذمه وارو سنبالولو هغه ته مباركي وركړه او باور ئې وركړو چې پاكستان به د تنظيم مقاصد ترسره ترلاسه كولو لپاره مكمل مرسته كوي. په دې موقع د شريكې خوښې په چارو خبرې وشوې. وزيراعظم ووئيل چې د اېس سي او ټول غړي هېوادونه به امن، نړيوال يووالي او مرسته زياتولو لپاره په ګډه كار روان ساتي، د اېس سي او غړو هېوادونو ترمېنځه تجارت سره سره د پرمختيائي اهدافو ودې لپاره د مناسب فنډنګ لائحه عمل ضرورت دے. وزيراعظم د پاكستان ترجيحاتو او قومي اهدافو سره سره د شنګهائي مرستې تنظيم د تجارت، معيشت، موسمياتي بدلون پشمول د شريكې خوښې په مهمو څانګو رڼا واچوله. سېكرټري جنرل په ستمبر كال 2022م كښېې په ثمرقند كښې د شنګهائي مرستې تنظيم په غونډه كښې ګډون كولو لپاره وزيراعظم ته بلنه وركړه او وزيراعظم ووئيل چې هغه په غونډه كښې ګډون كول غواړي.