اسلام آباد 24 جولائي (اے پي پي) وزيراعظم شهباز شريف د كراچې پشمول د هېواد په نورو سيمو كښې سخت بارانونه او سېلابي صورتحال په نظر كښې ساتلو سره صوبائي حكومتونو او اړوند ادارو ته د الرټ پاتې كېدو هدايت كولو سره وئيلي دي چې په مشكل صورتحال كښې به د سندھ حكومت سره وفاق هر ډول ممكنه مرسته كوي. د اتوار په ورځ د وزيراعظم دفتر د مېډيا څانګې لخوا جاري شوي بيان له مخې وزيراعظم اېن ډي اېم اے ته د صوبائي حكومتونو او ادارو د بشپړه مرستې كولو هدايت كولو سره وئيلي دي چې په لاندې سيمو كښې د اولس د ځان او مال ساتنه دې باوري كړې شي. وزيراعظم د سندھ وزيراعلٰی ته پېغام وركړے چې په مشكل صورتحال كښې به سندھ حكومت سره وفاق هر ډول ممكنه مرسته كوي. ده هدايت وكړو چې ټاكل شوي استازي دې د اړوند ادارو د رېسكيو او ريليف چارو موثره څارنه وكړي.
