كوئټه 19 جولائي (اے پي پي) په بلوچستان كښې په بارانونو كښې نور 7 كسان په حق رسېدلي او د مړو كسانو شمېره 82 ته رسېدلې، په بارانونو كښې د زرګونو په شمېر كورونه تباه شوي دي. د بلوچستان پي ډي اېم اے وياند له مخې په بلوچستان كښې د روانو بارانونو په نتيجه كښې د ګل تر ورځ د نورو 7 كسان د حق رسېدو تصديق شوے او دې سره د مړو كسانو ټوله شمېره 82 ته رسېدلې او 60 كسان ژوبل شوي دي. د پي ډي اېم اے رپورټ له مخې په بارانونو كښې 2536 كورونه په مكمل توګه تباه شوي دي او 592 ته جزوي زيان رسېدلې. تر ټولو زيات زيان په واشك ضلع كښې شوے چرته چې 2080 كورونه او 550 كلوميټره سړكونه په مكمل توګه تباه شوي دي. د پي ډي اېم اے له مخې په بارانونو كښې 706 څاروي مړه شوي، 1800 سولر پېنلو، 240 بورنګ او په يو لك 97900 اېكړه زمكه ولاړو فصلونو ته زيان رسېدلې. په پنجګور كښې بېلا بېلې سيمو تر اوبو لاندې راغلې دي او دلته هم د 100 نه زيات كچه كورونه تباه شوي دي. په سوردو مري آباد كښې د سېلاب اوبو 4 كسان وړي دي چې پكښې د دوه كسانو جسدونه راويستل شوي دي او د دوه ماشومانو لټون روان دے. د تربت او هوشاب په مېنځ كښې د ټاور لوېدو په وجه برېښنا هم قطع شوې
