بيجنګ 01 جولائي (اے پي پي) چين امريكې ته وئيلي دي چې هغه دې په افغان اولس فشار اچول په سمدستي توګه بند كړي او د افغانستان قومي اثاثې دې هغوي ته زر وركړي. د چين خبر رسنې ادارې له مخې د چين د خارجه وزارت وياند زاٶلي جيان تېره ورځ د پرېس بريفنګ په مهال ووئيل چې د انټرنېټ ځينې صارفين وائي چې د كابل په هوائي اډه يوه الوتكه د ډېرو خلقو د مرګ سبب جوړه شوې وه او بله الوتكه خلقو لپاره د اميد وړانګه ثابته شوې. ده ووئيل چې په افغانستان كښې د زلزلې نه پس چين خپل غوره صلاحيتونه پكار راوستلو سره د افغانستان په سمدستي توګه مرسته كړې او زلزله ځپليو سره ئې د 50 مليونه يوآن انساني مرسته كړې. ده ووئيل چې چين په هغو هېوادونو كښې په وړومبي نمبر دے كومو چې د افغانستان لويه مرسته كړې. ده ووئيل چې چين د جون تر 29مه نېټه افغانستان ته د مرستې د سامان درې پېرې لېږلې دي او د زلزله ځپليو مرستې لپاره د افغانستان لنډمهاله حكومت سره په تماس كښې دے. وياند ووئيل چې دا امريكا ده كومې چې په افغانستان كښې انساني تباهي پېل كړې، امريكا په افغانستان كښې د جنګونو، غربت، نشه اي توكو او د اولس د تكليف ذمه واره ده. ده ووئيل چې په افغانستان د امريكې د بريد په شل كلونو كښې د 30 زرو نه زيات افغان وګړي مړه شوي او يوولس ميلونه د خپلو كورونو په پرېښودلو مجبور شوي دي. په دې موده كښې امريكې په افغانستان كښې د نشه اي توكو په پېداوار او تجارت كښې مرسته ، ملاتړ او برخه اخستې. د چين وياند ووئيل چې دا خبره لا ډېره د افسوس ده چې امريكې افغان اولس ته د وئيلو نه بغېر د افغانستان د 7 بلين ډالرو اثاثې منجمد كړې او دې سره د افغان اولس حالات نور هم خراب شول. دا ظالمانه رويه د اشعال ګرې نه هم زياته ده. د چين د خارجه وزارت وياند ووئيل چې قدرتي آفات او د انسان پېدا كړې ستونزې په نظر كښې ساتلو سره بايد امريكا په افغان اولس فشار اچول بند كړي او بايد د افغانستان قومي اثاثې زر وركړي د كومو په وجه چې افغان اولس سختو ستونزو سره مخ دے. امريكا دې افغان اولس لپاره د پېدا كړې شويو ستونز ازالې او په هېواد كښې روانه انساني تباهي كمولو لپاره كوټلي اقدامات وكړي.
