اسلام آباد 22 جون (اے پي پي) پاكستان په افغانستان كښې د زلزلې او سېلاب په ځاني او مالي زيان خواشيني ښودلې. د خارجه دفتر وياند د شورو په ورځ په خپل يو بيان كښې ووئيل چې د پاكستان حكومت او اولس د افغانستان په پكتيكا ولايت او نورو سيمو كښې د زلزلې او د هېواد په بېلا بېلو برخو كښې په طوفاني سېلاب كښې په شوي ځاني او مالي زيان د غمرازې څرګندونه كوي. ده ووئيل چې د پاكستان اولس په دې سخت وخت كښې خپلو افغان وروڼو سره د بشړه يووالي څرګندونه كوي. وياند ووئيل چې مونږ په دې كښې شك نه لرو چې برادر افغان اولس به خپل خصوصيت سره د دې قدرتي آفت په اثراتو قابو بيامومي. په بيان كښې وئيلي شوي دي چې زمونږ چارواكي او ادارې خپلو اړوند ادارو سره په ګډه د افغانستان مطلوبه مرستې كولو لپاره كار كوي.
