اسلام آباد 22 جون (اے پي پي) وزيراعظم شهباز شريف په افغانستان كښې د زلزلې په زيان خواشيني ښودلې. د شورو په ورځ د وزيراعظم دفتر د مېډيا څانګې لخوا جاري شوي بيان له مخې وزيراعظم وئيلي دي چې په دې سخت وخت كښې خپلو افغان وروڼو او خوئېندو سره يو. په زلزله كښې په خاص توګه په پكتيكا ولايت كښې په ځاني زيان خفه يو. ده ووئيل چې پاكستان به د افغان اولس هر ډول ممكنه مرسته كوي. په دې لړ كښې اړوند چارواكو ته هدايات جاري كړې شوي دي. وزيراعظم شهباز شريف په زلزله كښې د حق رسېدليو بخښنې او د دوي كورنيو لپاره د زغم دعا وكړه. وزيراعظم د ژوبل شويو زر روغتيا لپاره هم دعا وكړه او ځپليو كورنيو سره ئې د همدردۍ څرګندنه وكړه.
